Accessibility links

шимбә, 10 декабрь 2016, Казан вакыты 09:56

Şeşädäge su çistamı?


Qazanda çat sayın tözelep kitkän uram kafeları küplär öçen yal itü häm tuqlanu öçen caylı urın bulıp tora. Ber yaqtan saf hawada utırasın, ikençe yaqtan şaşlıq, pitssa kebek törle rizıqlar täqdim itelä. Alarnıñ kübese töngä qädär eşläuyı belän dä, yäşlär öçen uñaylı. Kafelarda kübräk yäşlär häm çittän kilgän keşelär tuqlana. Täqdim itelgän rizıqlar, eçemleklär sıyfatı bik az keşene qızıqsındıra. Monıñ öçen cawaplı keşelär bar bit. Sanitar-epmdimiologlar Qazannıñ 1000 yıllıq bäyräme qısalarında isä qunaqlar küp kiläsen iskä alıp, soñğı atnada zur tikşerülär uzdırğannar. Häm şaqtıy ğına ştraflar salınğan kafelarğa. Bu xaqta Tatarstannıñ Sanitar-epidimiologiä küzätçelege üzäge citäkçese urınbasarı Nailä Fätxullina Ministrlar Kabinetında uzğan brifingta:

Bez küp kafelarnı yabarğa digän boyırıq çığardıq. Ämma alarnıñ qayberläre sanitar beleşmäse bulmasa da äle dä eşli.

Qazanda ağızıp satıla torğan kvas, sıra yanınnan cäy könne keşe betep tormıy. Alarnıñ baytağı tikşerelmägän kileş kertelä ikän Tatarstanğa. Kvasnıñ kübese Yoşkar-Oladan kilä. Häm anıñ sıyfatı şikle bulıp qala. İñ çista dip eçärgä iäläşkän - şeşälärgä tutırılğan sularnıñ da barısı da sıyfatlı tügel ikän. Tatarstanda şeşäle su çığaruçı 38 şirqat bar. Şunıñ 3се inde yabılğan. Alar arasında Alabuğa Arça häm Kuqmara rayonındağı sexlar. Awırular kiterep çığaruğa kafelar ber säbäp bulsa, pıçraq sular, plyajlar ikençe urında tora.

Bu xaqta Nailä Fätxullina:

Xäzerge waqıtta 20 plyaj eşli. Şunıñ 5се Qazanda, qalğannarı rayonnarda.

Qızınu, su qoyınu urınnarı pıçraq, eçä torğan sular, kafelardağı rizıqlar sıyfatı şikle. Häm bu problema bıyıl ğına tügel, ä yıl sayın qabatlanıp kilä.

Landış Xarrasova

XS
SM
MD
LG