Accessibility links

чәршәмбе, 7 декабрь 2016, Казан вакыты 13:43

Tatarlar qabat cıyın cıydı


22 yün Başqortstan tatarları milli-mädäni moxtäriäte qorıltayı bulıp uzdı. Ul moxtäriät qorıltayınıñ ikençe öleşe buldı. Anıñ berençe öleşe uzğan yılnıñ 27nçe noyabrendä Mäskäwdä uzğan ide.Rusiä başqalasında uzunıñ töp säbäbe - respublikta bina alalmaw uñayınnan bulğan ide. Älege problem bu yulı da awırlıq tudırdı, läkin Rusiä Fännär aqädemiäseneñ Ufa bülekçäse başı Robert Niğmätullin yärdäme belän mäsälä xäl itelde. Ul aqädemiä bülekçäse utırğan binanıñ zur zalın birde.

Çarada 44 rayon häm şähärdän kilgän 718 deleğät qatnaştı. Kön tärtibenä ike mäsälä quyıldı. “Başqortstan tatarlarınıñ milli-mädäni üseş proğramması ölgese” häm Mäskäwdä uzğan cıyında qabul itelgän qararlarnı tormışqa aşıru torışı. Älege här ike mäsälä buyınça da töp çığışnı moxtäriät citäkçese Ramil Bignov yasadı. Ul oyışma strukturası tözelüen häm eşläwen belderde. Anıñ süzlärenä qarağanda, töp eş yünäleşläre buyınça komissiälär tözelgän häm eşli. “Xalıq ixtıyarı” isemle gäzit çığarıla, näşriät buldıru eşläre başlanğan. Artaban çığış yasawçı iqtisad fännäre doktorı Rinat Ğataullin başqortlaştıru säyäsäte, Bäläbäy tatar gimnaziäse direktorı Nurmöxämmät Xösäyenov Qazanda yasağan bilgele çığışınnan soñ ezärleklänüe turında söyläde. Möxtäriät räise urınbasarı, Başqortstan tatarları kongressı başqarma komitetı räise Ruşan Ğallämov kilep tuğan wäzğiättän üzäkneñ subyektlarnı ereländerü uñayınnan başlanğıçı yärdäm itmäs mikän digän soraw quydı. Bu iñ qızu tikşerelgän mäsälä buldı. Ul xuplaw tapmadı, aldağı qorıltayğa tikşerügä qaldırıldı. Qorıltay axırında rezolyutsiä häm qararlar qabul itelde. Alarda milli-mädäni üseşne täemin itü yulları turında süz bara. Qararda Başqortstan Prezidentı Mortaza Räximovqa ışanıç kürsätmäw turında da yullar bar. Moxtäriät aldağı qorıltayın közge aylarda cıyarğa qarar itte.

Mönir Wafin, Ufa

XS
SM
MD
LG