Yewropanıñ keşe xoquqları torışın küzätep baruçı oyışması bulğan Yewropa Şurası Rusiäneñ keşe xoquqları ölkäsendäge citeşsezleklären nıq tänqitläwçe rezolütsiä proyektın qarıy.
Yewropa Şurasında qaraluçı bu rezolütsiädä ayıruça Rusiäneñ Çeçnädäge xärbi ğämälläre, şikle xosusıylaştıru eşläre häm korrupsiä turında süz bara.
Rezolütsiä bügen tawışqa quyıla.
Anı äzerläwçelärneñ berse, britaniäle David Atkinson Rusiä çın demokratik il tügel dide.
AUDİO: Rusiä äle irekle demokratiägä iä tügel. Anda älegä ğädel saylawlar bulmadı. Çönki anıñ televideniese säyäsi yaqtan neytral' tügel, däwlät tä'sirennän häm kontrolennän azat tügel. Rusiäneñ mäxkamä sisteması, bez andağı reformalarnı xuplasaq ta, älegä tulısınça näticäle tügel, korrupsiädän, säyäsi tä'sirlärdän azat tügel.
