Accessibility links

якшәмбе, 11 декабрь 2016, Казан вакыты 14:50

Qazan şähär başlığı kön sayın gafu ütenä


23nçe yun - xalıqara cıyılışlar köne buldı. Cirle xakimiätlär sammitı, Berläşkän millätlär oyışması-Xabitat bülege wäkilläre, Yevropa mirası könnäreneñ açılışı da, Däwlät Şurası utırışı da ber ük könne buldı. Şähär üzägendäge yullarda ğädättägeçä wazğiät qatlawlı buldı. Qazan başlığı märtäbäle qunaqlar aldında yañadan ğafu ütende. Mäsälän, bu süzlärne ul, cirle xakimiätlär sanmitında äytte. Yevropa Şurası, Berläşkän Millätlär Oyışması, dönya mirası şähärläre, islam konferensiäse oyışmaları wäkilläre, Qazannıñ tuğandaş şähärläre başlıqları da cıyıldı anda. Sammitnıñ maqsatı dönya täcribäsen qullanıp, cirle üz idärä reformasın tormışqa aşıru yulları turında söyläşüdän ğibärät ide. Yevropa Şurası citäkçelege, başqa xalıqara oyışmalar, Tatarstan Prezidentı isemennän sammitnı sälämläw süzläre yañğıradı, xalıqqa iñ yaqında bulğan cirle xakimiätlärneñ ähämiäte turında belderülär yasaldı. Sammit, «Piramida» küñel açu üzägendä ütkärelgän ide. Tamaşa zalı buş bulmasın öçen, sammitqa şähär oyışmalarında eşläwçelär cälep itelgän. 7nçe şifaxanädän kilgän Alsu apa äytkänçä, biregä kilergä aña citäkçeläre quşqan. Bu xalıqara eşlärdä ber närsä dä añlamasam da, eşne taşlap sammitqa kilergä mäcbür buldım, di ul. Andıy, östän quşu belän kitertelgän keşelär zalda küpçelekne täşkil itte.

XS
SM
MD
LG