Accessibility links

пәнҗешәмбе, 8 декабрь 2016, Казан вакыты 10:54

Tatarstan deputatları Duma täqdimen kire qaqtı


Cirle üz idärä turındağı söyläşülär, 23yun, könne xalıqara däräcädä genä tügel, Tatarstan Parlamentında da buldı. Anda pänceşämbe könne, sessiä ütkärelde. Duma deputatları, cirle üz idärä turındağı qanunnıñ ğämälgä kertüen 2 yılğa kiçekterelergä, digän täqdim belän möräcäğät itkän bulğan. Ämma respublika deputatları bu täqdimne qatğıy räweştä kire qaqtı. Başqa töbäklärdä reformağa nıqlap äzerlänmägännär ikän, nigä Tatarstan anıñ öçen zıyan kürergä tieş, dip añlattı alar üz qaraşın.

Şulay uq, Däwlät Şurası utırışında, keşe xoquqları buyınça cawaplı itep yañadan Räşit Wäğizov saylandı. Anı deputatlarğa Prezident täqdim itte häm ul küpçelek tawış belän raslandı. Deputatlar şulay uq, «İctimaği palata turında»ğı qanunnı da ikençe uqılışta qabul itte. Qayber mäğlümatlarğa qarağanda, respublika xakimiätläreneñ ictimaği palatanı buldırırğa teläkläre zur tügel. Parlament citäkçeseneñ, yaña oyışmanıñ ähämiäte närsädä bulır ikän, digän belderü yasağanı bar. Färit Möxämmätşin fikerençä, cämğiätneñ qaraşın parlament aşa deputatlar bolay da çağıldıra. Ämma Federal Üzäk quşuı bulğaç, Tatarstanda andıy oyışma bulaçaq. Qanunnı qabul itü közgä qaldırıldı. Şul közge aylarda, ictimaği palata da formalaşır, dip xäbär itte Däwlät Şurası räise.

Bikä Timerova.

XS
SM
MD
LG