Accessibility links

шимбә, 10 декабрь 2016, Казан вакыты 23:35

Bağdad üzägendä 3 bomba şartlap 17 keşene üterde


Bügen irtän Bağdad uzägendä 3 maşinada bomba şartlap kimendä 17 keşene üterde, 28 keşene yaraladı. Bombalar maşinalarğa quyılğan bulğan häm öçese dä ber ük waqıtta şartlağan. Şarltaw waqıtında maşinalarnıñ kimendä bersen intixarçı yörtep barğan bulırğa oxşağan. Maşinalarnıñ berse politsiä kizüenä höcüm öçen, ikençese Şığıylar mäçete yanında, öçençese Bağdad üzägendäge uram bazarında şartlağan dielä. Bağdadtan 100 çaqrımlap könbatıştağı Ramadi şähärendä atışlar waqıtında 3 amerikan soldatı üterelde. Yapon maşinalar qärwanı uzıp barğanda yulğa quyılğan ber bomba şartladı. Beräw dä yaralanmadı, az ğına zıyan kilde. Çärşämbe könne qarañğı töşkäç 3 maşinada bomba şartlap 18 keşene ütergän ide. Ul şartlawlar öçen cawaplılıqnı äl-Qaidä törkeme üz östenä aldı.

XS
SM
MD
LG