Accessibility links

Кайнар хәбәр

D.Rumsfeld Ğıraqtan çigenü waqıtın bilgeläwgä qarşı


Saqlanu ministrı Donald Rumsfeld AQŞ xärbilären Ğıraqtan çığaru öçen waqıt bilgeläw öndäwlären kire qağıp ilne totrıqlandıru köräşen yuğaltmıybız dip azsızıqladı.Rumsfeld häm başqa yuğarı xärbilär çigenü waqıtın bilgeläw Ğıraq ğıysyançıların qıyulandırır häm AQŞ iminlegenä qurqınıç tudırır ide dip belderä.Xärbi räsmilär Ğıraq iminlek köçlären künegüdän ütkärüdä progress turında beldersä dä alar ildäge ğıysyançılarnı yaqlaw öçen kergän çit il suğışçılarınıñ sanı arta dip äytä.

Ğıraqta barğan xärbi çaralarğa qarata Quşma Ştatlarında borçılular artqanda AQŞnıñ saqlanu ölkäsendäge ölkän räsmiläre Ğıraqnı totrıqlandıru tırışlaqların yaqlap çıqtı.Kongressta AQŞnıñ Ğıraq säyäsäte xaqında açıqlıq taläpläre artqan waqıtta Senatta ütkän söyläşülärdä saqlanu ministrı D.Rumsfeld häm başqa yuğarı xärbi citäkçelär çığış yasadı. Här ike partiädän dä qayber kongresmenner çigenü waqıtı bilgelängän strategiäse buldırırğa çaqıra. Rumsfeld bu xata bulır ide di

Rumsfeld(audio)

Hiç şiksez, cäwaplılıqnı üz östenä alırğa äzer bulmağan Ğıraq xärbilären qaldırıp koalitsion köçlär ildän çığıp kitkän oçraqta , kännärneñ bersendä bälkim dä sonğı rejimğa qarağanda da qurqınıçraq rejim aldında qalaçaqbız

Saqlanu ministrı qaraşınça amerikannarnıñ çığıp kitü waqıtın bilgeläw ğıysyançılarnı qıyulandıraçaq qına .Ul Ğıraq xärbiläreneñ xäzer elekegä qarağanda yaxşıraq qorallanğan, yaxşıraq künegüdän ütkän buluın häm ğıysyançılarğa qarşı kiñräk operatsiälär alıp baruın söyläde. Ämma general ştab başlığı general R.Myers häm başqa yuğarı ofitserlar Ğıraq çiklärennän ütep kergän häm ğıysyançılarğa quşılğan ekstermistlar turında borçılu belderde. Alar Süriädä ğıysyançılarnıñ ağımın tizlätkän struktura bar ämma bu eşkä Süriä xökümäte qatnaşamı raslıy almıybız dip äytte.Yaqın könçığıştağı amerikan köçläreneñ komandirı general John Abizaid Aljir,Tunisia häm Morokkodan intihar höcümçeläre kerä. Ğıysyançılarğa qarşı köräş barsa da , suğışçılar nıq bulıp qala dip söyläde. Abizaid süzlärençä

Abizaid(audio)

Altı ay elek belän çağıştırğanda çit il suğışçları xäzer Ğıraqqa kübräk kerä Ğıysyançılarnıñ köç quätenä kilgändä şuluq dip äyter idem

Bu komentarlar ütkän ayda vitse prezident D.Cheneynıñ ''ğıysyançılar sonğı sulışların birä'' digän süzlärenä qapma-qarşı bulıp tora.Senattağı söyläşülärdä senatorlarnıñ zur öleşe çigenügä qarşı bulğan.Ämma demokrat senator Carl Levin süzlärençä, AQŞ administratsiäse Ğıraq citäkçelärenä basım yasarğa tieş. Citäkçelär bilgelägän säyäsi mäqsatların waqıtında ütärgä yäki AQŞnıñ çığıp kitüe aldında qaldırılırğa tieş .Senator Edward kennedy saqlanu ministrı D.Rumsfeldnı kisken tänqitläp,ministr Ğıraq suğışı turında amerikan cämäğätçelegenä yalğış mäğlümät birde dip äytte

Kennedy(audio)

Suğışnı yalğış alıp barıp ğäskärlärebez öçen qıyın wazğiät xasıyl itte xärbi köçlärebez häm milli iminlek qurqınıç astında qaldırıldı. Xärbilärebez häm amerika xalqı yaxşıraqnı xaq itkän.Alar kompetensiä häm çınbarlıqnı belergä layıq

Rumfeld ike märtäbä çigenü teläge beldersä dä,prezident Bush kire qaqtı. Ämma Rumsfeld wazğiätne üzgärtep kürsätü , yalğış añlatu digän ğäyepläwlärne kire qağa.

Rumsfeld(audio)

Çınbarlıq şul ki bez baştan uq monıñ qıyın , qurqınıçlı häm aldan äytüe mömkin bulmağan eş buluın beldek

Çärşämbedäge şuşı oçraşu Ğıraq premiäre İbraxim al –Jaafarinıñ Waşingtonğa kilüe säbäple ütkärelde. Premyer AQŞ citäkçelären ğıysyançılarğa qarşı suğışnı köçäytergä çaqıra färidä xämit
XS
SM
MD
LG