Accessibility links

сишәмбе, 6 декабрь 2016, Казан вакыты 23:02

Ukraina häm Pol'şa prezidentları uzara suğışta hälak bulğan ukrain häm polyaklarnı iskä aldı


Ukraina prezidentı Viktor Yuşçenko belän Pol'şa prezidentı Aleksandr Kwasniewski Lvıv ber ğasır çaması elek polyaklar belän ukrainnar arasında bulğan suğışnı iskä aldı. Ul çaqta bäysez bulğan Könbatış Ukraina öçen 1918-nçe 1920-nçe yıllarda uzara suğışta hälak bulğan polyak häm ukrain soldatları istälegenä bügen prezidentlar ike memorial açtı. Ukrain memorialın açqanda Yuşçenko:

2431 Minemçä ike prezidentnıñ bergä buluı Ukraina belän Pol'şanıñ ütkänneñ küzenä turı qarıy aluın kürsätä. Bezneñ tarixtağı faciğäle bitlärne yañadan yazmasqa ğorurlığıbız häm alardan döres sabaq alırğa aqılıbız citärlek dide.

Lvıvta Ukrainnarğa qarşı suğışta hälak bulğan 2 yarım meñ polyak soldatı kümelgän urında da memorial açıldı. Soñğı yıllarda bu ike il arasında mönäsäbätlär yaxşıra bara. Yewropa Berlege äğzası bulğan Pol'şa Yuşçenko xökümäteneñ Ukrainanı Könbatışqa yaqınaytuğa häm Berlektä äğza buluğa omtılışların iñ nıq xuplawçı il. Bügenge tantanalarda polyaklar Ukrainnardan kübräk buldı.

XS
SM
MD
LG