BMOnıñ Qırğızstandağı qaçaqlar idaräse başlığı Carlos Zaccagnini BMO häm Qırğız räsmiläre Qırğızstanda sıyınu xoquqı alırğa teläwçe 29 üzbäkneñ yazmışı turında qararnı kiläse atna axırına cığaraçaq dide.
Şul uq waqıtta ul BMO Qırğızstan baş prokurorı Azimbäk Bäknazarovnıñ bu qaçaqlar turındağı kiçäge belderüenä borçıla dide. Bäknazarov cinayät qıluda ğäyeplänüçe ul 29 qaçaq Üzbäkstanğa qaytarılaçaq dide.
Yewropa İminlek wä Xezmättäşlek Oyışması da alarnıñ köç belän Üzbäkstanğa qaytarılaçağı turındağı xäbärgä borçılu belderde.
May ayında Ändican şähärendäge çualışlar waqıtında Üzbäkstannan Qırğızstanğa 500-läp qaçaq kilgän ide.
