Accessibility links

җомга, 2 декабрь 2016, Казан вакыты 23:09

Başqortstan yazuçılar berlege 12 äğzağa işäyde




Atnaqiç könne Ufada Başqortstan Yazuçılar berlegeneñ çirattağı utırışı bulıp ütte. Anda kön üzägendäge başqa mäsälälär belän berrättän Berlekkä yaña äğzalar alu da qaralğan ide. Bu yulı Berlek safların 12 qäläm ähele işäytäçäge aldan uq mäğlüm ide inde. Çönki alarnı elegräk tä tikşerep, ölkän ädiplärdän reqomendatsiälär, yağni xuplawlar da alıp quyılğan ide.

Başqortstan Yazuçılar berlegenä qabul itelüçe 12 keşeneñ sigeze – başqort millätennän, ikese urıs häm tağın ikese tatarça icat itüçelär buldı. Berlekneñ safın işäytkän tatar qäläm iäläreneñ berse – Mönir Wafin «Azatlıq» radiosı tıñlawçılarına da yaxşı tanış. Menä un yıldan artıq inde «Azatlıq» radiosına Başqortstannan xäbärlär birep tora ul. Mönir Wafin bügenge köndä Ufada tatar telendä çığuçı «Tulpar» yäşlär jurnalınıñ bülek möxärrire wazıyfaların başqara. Ädäbiät söyüçelär anı şäp şağir bularaq ta belä. Bıltır Tatarstan «Kitap»näşriätında anıñ «Dönya – qulasa» digän şiğerlär cıyıntığı dönya kürde häm ädäbi tänqit yağınnan da, uquçılar tarafınnan da cılı bäyä aldı.

Başqortstan Yazuçılar berlegenä äğza itep alınğan ikençe tatar qäläm ähele Boray rayonında yäşäp icat itüçe şağirä – Näfisä Xäbibdiärowa. Fänis Fätxi, Ufa.

XS
SM
MD
LG