Accessibility links

Кайнар хәбәр

Qırğızstanda BMO qaçaqlar idaräse üzbäk qaçaqları yazmışın qarıy


BMO qaçaqlar idaräse wäkilläre Ändicannan kilep Qırğızstanda sıyınu xoquqı alırğa teläwçe üzbäklär belän oçraşa. BMOnıñ qaçaqlar yuğarı komissionerı yardämçese Kamel Morjane häm başqa räsmilär Üzbäkstanğa qaytarılğan oçraqta azaplawlarğa duçar bulırğa mömkin üzbäklärgä Qırğızstanda sıyınu birelergä tieşme-yuqmı ikänen açıqlıy. BMO xalıqara kileşülär nigezendä däwlätlär üz illärendä azaplawğa duçar bulırğa mömkin qaçaqlarnı sıyındırırğa tieş digän pozitsiädä. Bügen Qırğızstan baş prokurorı Azimbäk Bäknazarov BMOnı üze cinayätçe dip isäplägän 29 qaçaqnı Qırğızstannan alıp kitärgä çaqırdı.

AUDİO: Min alarğa äyttem, ber anta eçendä alıp kitsägez alıp kitäsez, kitmäsägez baş prokuror bularaq min alarnı Üzbäkstanğa tapşıra başlıym didem. Şunı äytkännän soñ alar borçılıp tizräk eşli başladılar .
XS
SM
MD
LG