Äfğänstan saqlanu ministrlığı ilneñ könyağında ğisyançılarnıqı dip isäplänelgän tağın 76 mäyet tabıldı dide.
Şulay itep Äfğänstanda Taliban xakimiäte bärep töşerelgännän soñğı iñ qatı bäreleşlärdä ğisyançılar yağınnan ülüçelär sanı 178-gä citte.
Saqlanu ministrlığı süzçese Zahir Marat bu mäyetlär Kandahar wilayäteneñ Miana Şien rayonında tabıldı dide.
Marat äytüençä, uzğan sişämbedän birle Äfğän-AQŞ köçläreneñ ğisyançılar sıyınğan urınnarğa reydları barışında ğisyançı dip şiklänelüçe 56 keşe qulğa alınğan.
Äfğän xökümäte räsmiläre häm AQŞ xärbiläre Miana Şienda 35-läp qabilä başlığı belän oçraşıp alarnı ğisyançılarğa qarşı köräşergä öndäde. Anda tağın 80-läp ğisyançı qalğan dip isäplänelä.