Accessibility links

Кайнар хәбәр

İran: tışqı säyäsättä zur üzgäreş bulmayaçaq


Bügen İran tışqı eşlär ministırlığı yaña ğına saylanğan qatı qul säyäsäte tarafdarı prezident Mäxmüd Axmädinejat waqıtında ilneñ tışqı säyäsätendä möhim üzgäreşlär bulmayaçaq dip belderde. Ministırlıq süzçese Xamid Reza Asäfi İrannıñ atom programması turında Yevropa Berlege belän söyläşülär däwam itäçäk dip äytte

Kiçä Britaniä, Fransiä häm başqa qayber illär İrannın atom töş aktivlıqları turında Axmädinejatnı fikeren äytergä çaqırdı. Tışqı eşlär ministırlığı süzçese Asäfi bügen ütkärelgän mätbuğat oçraşuında İran xökümäte sülpänlek säyäsätenä däwam itäçäk dide.

Asäfi süzlärençä(audio)

Atom turındağı söyläşülär säyäsätebezneñ ber öleşe bulıp tora häm bez moña konsensus nigezendä qarar biräbez..Prezidentnıñ üzgärüe belän, moñın üzgärmiäçäge bilgele.Bez äle dä Yevropa Berlegeneñ planın iğlan itüen kötäbez. Bez kileşügä söyläşülär aşa ireşergä telibez.Xoquqlarbız säyläşülär aşa garantiälänergä tieş.Paris kileşüenä esasän İranneñ tınıç atom texnologiäsenä iä bulu xoququ tanılırğa tieş.

Süzçe könbatış illären Axmädinejatqa ışanırğa häm programmasın iğlan itkänçe sabırlı bulırğa çaqırdı. Asäfi Axmädinejatqa ışanu ışanmaw yevropalılarnıñ eşe, ämma alfiker belän xäräkät itelmäskä tieş.Alar yaña citäkçegä kündermälären cibärep täbriklärgä tieş .İran xalqı küpläp saylawlarğa qatnaşıp añı irekle räweştä sayladı.Bu demokratiä prinsıbı. Xalıqnıñ saylawınıa xörmät itelergä tieş dip äytte süzçe Asäfi.Saylawlardan elek Axmädinejad Tehranğa doşmaça mäqsatları bulmağan här il belän dialog urnaştıraçağın äytkän ide Ämma ul AQŞ belän mönäsäbätlär İran xalqınıñ problemaların çişmiäçäk digän ide. Şimbä könne Axmädinejatnıñ saylanuı bilgele bulğannan birle, İrannıñ tışqı säyäsäte kiskennäşäçäk häm könbatış illäre belän kierenkelek artaçaq digän spekulativ fikerlär belderelä. İzrael premyereneñ urınbasarı Shimon Peres Axmädinejatnıñ saylanuı xalıqara cämäğätçelek öçen möhim problemalar tudırçaq dide. Ämma Tehranda analitik Mäxmud Alinejad bu fiker belän kileşmi, Axmädinejadnıñ saylanuı doşmança xalıqara mönäsäbätlärgä işarä tügel di

Alinejad(audio)

Yarlılarnıñ mönfäğätlären yaqlağan iqtisadi refomalar anıñ köntärtibendä tora.Ul cämğiättä baylıq häm säyäsi köç ber niçä keşeneñ qulında cıyılğan dip äytkän ide.

İrannıñ üzendä Axmädinejatnıñ saylanuına qarata reaksiä törle : anıñ eleke xärbi buluı häm Tehran xakimiäteneñ citäkçese bularaq eşlägän qapmaqarşılıqlı eşläre küplärdä ,ul cineslärne nıq ayırır häm prezident Xatami waqıtında ireşelgän sotsial reformalarnı yuqqa çığarır digän qurqu uyattı.Tehrannıñ tönyağında yäşäwçe isemeneñ belenüen telämägän beräw radiobızğa bolay dip äytte

İseme belenmägän keşe(audio)

Min ilemneñ kiläçäge turında ällä ni optimistik fikerdä tügel. Wazğiät naçarlançaq dip uylıym 8 yılda nindider reformalar buldı . äle alarnı iran keläme kebek törep cıştırıp quyaçaqbız,8yıl elek bulğan xälgä yäki 1979-nçe yılğa islam inqilabı bulğan könnärgä qaytaçaqbız.

Mäxmüd Axnmädinejat bügen ütkärgän berençe press konferensiädä , İslam respublikasınıñ AQŞ belän çirek ğasır äwäl özelgän mönäsäbätlären torğızu zarurlığı yuq dip belderde färidä xämit
XS
SM
MD
LG