Accessibility links

якшәмбе, 4 декабрь 2016, Казан вакыты 05:00

“Altın qäläm” suda tutıqmıy


Bügen “Altın qäläm”lelär zur säyäxätkä quzğaldılar. Altın qäläm – yıl sayın iyün axırlarında ütkärelä torğan balalar häm yäşüsmerlär qälämen çarlawçı respublika külämendäge festival'. Bıyıl älege bäygeneñ 10 yäşlek yubiley. Şuşı un yıl eçendä älege bäygedä 20 meñ keşe qatnaşqan, bäxetlelär, yäğni bäygeneñ “Gran-pri” na layıq bulğannar jurnalistika häm sotsiologiä fakul'tetına imtixansız kerdelär. Bıyıl Altın qäläm bäygesendä 200 yäşüsmer qatnaşqan, şularnıñ 110 ğına finalğa ütkän. Finalğa çığuçılar, bulaçaq jurnalistlar “Boris Polevoy” teploxodına Tübän Novgorod, Yaroslavl', Kostrama, Vologdo, Çeboksar şähärlärendä icadi komandirovkalarda bulaçaqlar. Bıyılğı säyäxättä Tatarstan yäşläre belän bergä Qazaqstan, Ukraina, Mäskäwdän kilgän yäş qäläm iäläre dä qatnaşa.
“Altın qäläm”neñ maqsatları elek niçek bulsa xäzerdä şul yunäleştä alıp barıla. Yäş qäläm iäläreneñ, jurnalist bulırğa teläwçe yäşläreneñ icatın kamilläşterü, alarnıñ talantlıların barlaw. Şulay uq, yäşüsmerlär arasında bulğan problemnarnı barlaw, alarnıñ çişü yulların ezläw. Festival'dä qatnaşuçılar ğädät buyınça tatarça häm rusça gruppalarğa bülenep köç sınaşaçaqlar. Radio häm televidenie belän qızıqsınğannar da üz ostalıqların kürsätergä tieşlär. Ni qızğanıç, tatar gruppasına cıyılğan yäş qäläm iäläre küp oçraqta aktivlıykların kürsätep betermi dip sanıylar başqa yıllarda qatnaşuçılar. Konsert nomerlarında, uyınnarda, icadi tügäräklärdä az qatnaşalar. Läkin bu alarnıñ ğayıbe tügel. “Altın qäläm” tulısı belän diärlek rus telendä alıp barıla. Şuña da tatar yäşlärenä awırğa turı kilä. Äye, anda tatar telendä gazetada çığarıla, konsert nomerların kürsätkändä, ägär tatar yäşläre aktiv bulsalar ğına çığışlarda tatarçanı işetep bula. Tik bu ğına bik az. Çönki oyıştıruçılarnıñ, äydäp baruçılar rus telendä söylilär. Bıyılğı jyuri sostavın ğına alıyq: festival'neñ jyuri räise, Tatarstan jurnalistlar berlege räise – Rimma Ratnikova, yäşlär-sport häm turizm ministrı, bäygeneñ oyıştıru komitetı räise Marat Bariev. Bulaçaq jurnalistlarğa ostaz bulıp “Yaña ğasır” teleradiokompaniäseneñ general' direktorı urınbasarı Miläwşä Aytuganova, KDU nıñ jurnalistika häm sotsiologova fakul'tetı dotsentı Dmitriy Tumanov, “Efir” teleradiokompaniäseneñ tanılğan alıp baruçısı Konstantin Kuranov häm başqalar.
“Altın qäläm” bäygese säyäxäten 3 iyülgä qädär däwam itäçäk.
Röstäm İsxaqi

XS
SM
MD
LG