Accessibility links

чәршәмбе, 7 декабрь 2016, Казан вакыты 21:41

Tatarlarnıñ islam häm millät tarixın çit il ğalimnäre ni öçen öyränä?


«Idel-Ural töbägendä islam mädäniäte» digän simpozium tämamlandı. Düşämbe könne irtän, küp sanlı ğalimnär törle illärgä taraldı. «Qol Şärif» mäçete açılışı belän bergä açılğan älege konferensiä, islamnan qurquçılarğa möselman dineneñ çın yözen kürsätergä tieş ide. Simpozium eşendä, Amerika, Törkiä, Yaponiä, Rusiäneñ Tatarstan häm Başqortstan ğalimnäre qatnaştı. Sumpoziumğa qayber näticälärne islam belgeçe häm fänni çaranı oyıştıruçılarnıñ berse Rafik Möxämmätşin yasadı. Anıñ äytüenä qarağanda, islamnı öyränü Rusiä öçen dä, Yevropa öçen dä bik möhim. İslam Yevropağa ütep kerde. Almaniä, Angliä, Fransiädä möselmannarnıñ sanı millionnar belän isäplänä. Xäzer çit il ğalimnäre islamnı nıqlap öyränä başladı. Bu yaqtan qarağanda, tatarlarnıñ törle millät, törle din bulğan cämğiättä yäşäw täcribäse zur. Urta ğasırlardan birle, tatarlar polikonfesional cämğiättä yäşägän häm bezneñ cirlektä anıñ modele barlıqqa kilgän. Çit ğalimnärenä bu qızıqlı, şuña da alar bezneñ cirlektäge problemalarnı qızıqsınıp öyränä. Başqa illärdän kilgän ğalimnär, tağın, bezgä bilgele bulmağan qayber isemnärne açtılar. Tatarstandağı ğalimnär öyrängän probalamalarğa ikençe yaqtan qaraş taşladı. Mäsälän. Törek ğalime Gökgöz Saime Selenga, tatarlarnı köçläp çuqındıru säyäsäten alıp barğan E.Malovnıñ xatları nigezendä fänni eş belän tanıştırdı. Monda andıy xezmätne yazğan keşe yuq äle.

XS
SM
MD
LG