Germaniä saqlanu ministrı Peter Struck uzğan atna axırında Äfğänstanda 6 äfğänlını häm 2 alman soldatın ütergän häm tağın berniçä keşene yaralağan şartlawnıñ alarğa qarşı höcüm bulğanlığın kürsätüçe mäğlümät yuq dide.
Struck äytüençä berençel tikşerülär şartlawğa çittän nindi dä bulsa ğämällärneñ säbäpçe buluın kürsätüçe dälillär birmägän.
Şartlaw şimbä könne Äfğänstannıñ tönyağındağı Taxar wilayätendä qorallarını yuq itärgä alıp barğanda bulsı.
Struck şartlaw yalğışlıq belän bulğan dip isäpläwen äytte.
Germaniä centekleräk tikşerü ütkärü öçen Äfğästanğa üz tikşerüçeläre törkemen cibärä.
Äfğänstanda NATO citäkçelegendäge köçlärneñ ber öleşe bularaq 2,250 alman soldatı xezmät itä.
