Accessibility links

дүшәмбе, 5 декабрь 2016, Казан вакыты 11:42

26 yün cirle üzidärälärgä saylawlar ütte


Aldan yasağan näticälärgä qarağanda, saylaw aktivlığı urınına qarap 17-83% bulğan. Saylawçılarnıñ 20% qatnaşsa saylawlar uzğan dip sanala. Respublika buyınça 10 saylaw oqrugında tieşle külämdä tawış birelmäw säbäple, saylawlar uzmağan. Uzğan saylawlarda cirle üzidärälärgä barlığı 753 deputat saylandı. İñ qızu saylawlar Ufa şähäre xaqimiäte öçen buldı. Anda 35 urın öçen başta 400gä yaqın keşe qatnaşıp, şularnıñ yartısı terkälä aldı. Saylaw köne aldınnan terkälgän 40tan artıq nämzät köräştän baş tarttı. Baş tartuçılarnıñ küpçelege saylaw uyınında aqça eşläw öçen genä qatnaşuçılar dip farazlana. Çönki saylaw uyınnarında töp nämzät üzenä älternativ bulsın öçen tağı berniçä keşene iärtä häm aları saylaw köne citäräk baş tartıp töşep qala.

Saylawlarda qanun bozu oçraqları da şaqtıy küzätelgän. Saylawlarnı küzätergä kilgän “Golos” isemle sawlawçılarnıñ xoquqların yaqlawçı oyışma wäkilläre qäläm belän saylawlarğa kilmäwçelär isemlegen alıp baru oçrağın, bülletennarnı ber bülmädä birep, tawış birü ikençe bülmädä uzu, yağni küzätüçelär öçen tulısınça küzätü şartları bulmaw häm başqa oçraqlar buluın belderde. Berniçä urında yalğan şaltıratular säbäple, şartlatqıç ezläw, ğaz häm başqa xezmät wäkilläre kilep, saylaw qomissiälären ewaquatsiälägän.Tögäl saylaw näticäläre berniçä könnän genä yasalaçaq.

26 yün Başqortstan parlamentına dürt okrugta östämä saylawlar da buldı. Şunıñ öçesendä saylawlar uzğan, ber urında nämzätlärgä qarşı tawış kübräk bulu säbäple saylawlar uzmağan dip tabıldı.

XS
SM
MD
LG