Accessibility links

шимбә, 10 декабрь 2016, Казан вакыты 23:29

Aq tönnärdä “Al cilkännär”


Bıyıl Peterburgta 40 meñ keşe urta belem alıp çıqtı. Şularnıñ 2 meñe altın häm kömeş medal'lärgä layıq. Litsey

häm gimnaziälärdä çığarılış kiçäläre inde ütkän ide. Ä menä 25 –nçe iyüngä qarşı töndä barlıq mäktäpne tämamlawçılar öçen “Al cilkännär” bäyräme uzdı.

Bu bäyrämneñ tarixı da bik qızıqlı. Anı 35 yıl elek bäyräm itä başlıylar. Yazuçı Aleksandr Grinnıñ “Al cilkännär” äsärennän çıqqan bu bäyräm yäşlekneñ tormışqa aşqan xıyalın gäwdäländerä.

Soñğı berniçä yılda bu bäyräm onıtılıp torğan ide. Bälki yaña şartlarda bik azlarnıñ ğına xıyalı tormışqa aşqanğadır.

Ä bıyıl inde “Rusiä – mömkinçeleklär ile” digän baş astında “Al cilkännär” yañadan tudı. Äzerlek eşläre küptän başlanğan ide. 300 yıllıqnı bäyräm itkändäge kimçeleklärne iskä alıp , isertkeç, qalay häm pıyala sawıtlardağı eçemleklär satunı tıydılar, bädräflär problemasın xäl itep quydılar. Ämma tağın Çernomırdinnıñ “Xoteli kak luçşe- poluçilos' kak vsegda” digäne kebek kilep çıqtı. Bu xaqta Politexnik universitet talibäse Ğaliä söyli(audio)

Bäyrämneñ könküreş yağı şulayraq buldı.Emma tamaşa yağı bik yaxşı oyıştırılğan ide.Çit diñgezlärdä yözgän “Ştandart”cilkänle korabın bäyrämgä maxsus qaytarttılar, al cilkännär eşlädelär. Häm bäyräm tönendä maxsus yünältelgän projektorlar yaqtısında, ssenarie 300 yıllıqtağıdan da uzdırıp tözelgän feyerverk astında kiläçäktä ğämälgä aşar kebek xıyal bulıp Nevada kapitan Greynıñ al cilkänle korabı yözde.

Bäyrämdä millionnan artıq keşe qatnaştı.Konsert programması töne buyı öç cirdä - Saray mäydanında, Admiralteystvo yanında, Vasiliy utrawında bardı.Anda, yäşlärneñ telägen aldan belep, “Noği svelo”, “Çay vdvoem”, “Zveri”törkemnäre, “fabrikantlar”çaqırılğan ide.

Bäyräm , äytkänemçä, berençe çiratta urta mäktäpne tämamlawçılar öçen eşlängän ide.Ämma küp keşe cıyılğannı yaratmawçılar öydä qalunı xup kürgän. Bıyıl Universitetnıñ geografiä fakul'tetına kerergä cıyınğan Märyämne tıñlap qarıyq (audio)

Aleksandr Grin Assoleneñ xıyalı ğämälgä aşqan bit: kapitan Grey anıñ yanına al cilkänle korabta kilgän. Yäşlärneñ dä andıy mömkinçelege bulsa ide.“Rusiä – mömkinçeleklär ile” digän şiğerdägeçä.

Gölzadä Kamalova, Sankt- Peterburg

XS
SM
MD
LG