Accessibility links

пәнҗешәмбе, 8 декабрь 2016, Казан вакыты 08:57

Röstäm Şiänov Sember ölkäseneñ Federatsiä Şurasındağı wäkile sıyfatında tanıldı


4 aydan artıq kötkännän soñ, tatar yegete Röstäm Şiänov Sember ölkäseneñ Federatsiä Şurasındağı wäkile sıyfatında tanıldı. Sember ölkäseneñ yaña başlığı Sergey Morozov Federatsiä Şurasına senator itep Röstäm Şiänovnı bilgelägängä 4 aydan artıq waqıt uzıp kitsä dä, Şura räise Sergey Mironov, nigäder, anı önämäde – raslamıy kilde. Nihayät rizalaşqan ikän. Töp räsmi basma “Narodnaya gazeta” monı Sergey Morozovnıñ ciñüe dip tanuın belderde.

Gubernatornıñ iqtisat buyınça urınbasarı Oleg Doniçev ölkäneñ artaban üseşe programmasın bäyän itte. Sember ölkäse iqtisadi wäzğıät buyınça RF töbäkläre arasında 78-urınnı bili ikän. Yaña programmanıñ maqsatı - başqa töbäklär däräcäsen yawlaw, yäğni alarğa iqtisat buyınça yaqınayu.

Ölkädä yañaça oyıştırılğan munitsipal'' berämleklär dä üz programmaların tözergä tieş. Üz könnären üzläre kürer öçen. Ölkä üze Mäskäwdä yärdäm alsa da.

Ä menä şähär merı Sergey Yermakov. Kommunal'' xucalıq öçen tüläw tarifları buyınça İdelbuyı okrugında rekord quydı. Monıñ belän prokuratura häm Monopoliägä qarşı komitet qızıqsına. Yermakovnıñ energetiklar belän astırtın kileşüe dä farazlana.

Tatarstan Fännär akademiäseneñ Tarix institutı basmaxanäsendä “Nindi yazmış kötä sine, i tuğan tel” isemle kitapçıq dönya kürde. 202 bitle basmada Sember ölkäse ”Tuğan tel” oyışmasınıñ qayber dokumentları tuplanğan. Anı tözüçe Nurulla Ğarifnıñ kereş süzennän ber özek iğtibarğa layıqtır. “Rimzil Wäliewneñ “Azatlıq” aşa yañğırağan ber tapşıruı tirän istä qalğan. Ul “Tuğan tel” oyışmasınıñ 10 yıllıq yubileenda qatnaşqan häm şul bäyräm tä''sirläre belän büleşkän ide. “Tuğan tel”ne iñ oyışqan, iñ ezlekle eşläwçe oyışma dip bäyäläde ul tapşıruında. Annan soñ ”Azatlıq” aşa ğına tügel, Qazan gäzitlärendä dä “Tuğan tel”neñ törle instansiälärgä cibärelgän xat-möräcäğätläre küzgä çalına kilde.”

Nurulla Ğarif sorawı buyınça, aña “Tuğan tel” arxivında saqlanuçı qayber dokumentlar tapşırılğan ide. Ul alarnı ayırım kitap itep tuplağan. Maqsatı - başqa töbäklärneñ milli xäräkäte wäkillären dä anda kergän xat- möräcäğätlär belän tanıştıru. Ul şulay uq Baltıyk buyı illäre citäkçelärenä, xalıqara oyışmalarğa da cibärergä niätli. Räsäydä “inorodeslarnı” niçek ixtiram itkännären kürsennär, belsennär, imeş.

Kitapnıñ möxärrire – kürenekle ğalim Fayaz Xucin.

“Azatlıq” radiosı, Ayrat İbrahim, Sember.

XS
SM
MD
LG