Accessibility links

якшәмбе, 11 декабрь 2016, Казан вакыты 11:06

Financial Times: Russiäneñ G-8 belän citäkçelek itüe kölkele xäl


İyülneñ 6-8nçe könnärendä Şotlandiädä Glenaeglestä ütäçäk İndustriäläre alğa kitkän illärneñ summitı azağında iğlan iteläçäk kommunikene xäzerdän ük küz aldına kiterü mömkin.Dokumentta Afrika illäreneñ burıçların kimetüdäge progress, çit il yardämen artıru turında birelgän wäğdälär belän maqtanu hiç şiksez bulaçaq . Doha sewdä söyläşüläreneñ tämamlanuı turında qıyulandıruçı süzlär häm älbättä global ekonomik tängelsezlek belän eş itü...Ämmä dä läkin G8lärneñ üze öçen şulayuq global ekonomik menecment öçen möhim bulğan mäsälälär bälkim dä sonğı belderüdä ber yul belän telgä alınır. Summit azağında törkem citäkçelege V.Putingä ütäçäk. Britan gazetası Financial Times''nıñ '' G8lär belän Rusiäneñ citäkçelek itüe kölke bulaçaq '' isemle mäqaläse

İke tendensiä Dönyanı yaxşıraqqa taba üzgärtä, irekle bazarlar häm demokratiäläşü. G-8lär alarnıñ här ikesen dä yaqlar dip kötü artıq bulmasmı ide.Ämma summit äğzaları arasında Russiä telängän yünäleşneñ näk kire yağına taba bar. Mäskäwneñ citäkçelek itüe G8lärgä ışanıçnı nıq kimetep nulğa töşeräçäk Ul şulayuq Bush administratsiäseneñ dönyada demokratiä bazar ekonomikası urnaştıru tırışılqlarında kölkele xäldä qaldıra. Russiäne G8lär belän citäklärgä röxsät itü, Sudan , Liberiä kebek illärneñ BMO sı keşe xoquqları komissiäsendä zur rol uynaw belän ber yk närsä bulır ide dip yaza FT Russiä turındağı faktlar yaxşı belenä.V.Putin ilneñ irekle mätbuğatın yuqqa çığardı.Bu ay başlarında Kreml ikençe ber adım atladı, Däwlät qaramağındağı Gazprom ilneñ yaxşı belengän basması İzvestiäne satıp alaçaq dip belderelde.V.Putin respublikalarnıñ saylanğan citäkçelären üze bilgelägän keşelär belän alıştırdı ,Şulay itep xakimiät üze häm yaqın berektäşläre qulına küçte.Russiä mäxmäseneñ Mixael Xodorkovski östennän ütkärgän xökem protesesın politik show dip atap bula.Putin Ukraina saylawlarına tıqşındı,totalitar Belarus citäkçese häm eleke sovet respublikalarınıñ repressiv rejimnarı belän yaqın mönäsäbätlärdä tora. FTyazuınça, bez hämmäbez dä Russiä talantlı watandaşlarına global progressqa öleş kertäçäk canlı açıq cämğiät tözergä röxsät itär dip ömetlänäbez .Ämma bügen bu il dönyağa bik az närsä birä ala. Russiä bügen global ekonomik mäsälärdä neftten başqa ber närsä belän dä qatnaşa almıy . Russiä aqça säyäsätendä dä , säwdä dä çit il yardämendä dä, texnologik yañarış eşlärendä dä rol uynamıy. Säyäsi reformalar mäsäläsendä dä ışanıçsız il , salqın suğıştan sonğı modern idarä şäklendä dä ul in uñışsız il bulıp çıqtı. Russiäneñ G8-İndusriäläre alğa kitkän illär belän citäkçelek itüe kölkele xäl , AQŞ, Yevropa Berlege häm Yaponiä moñı kötergä tieş. Aylarça elek ike senator John McCain häm Joseph Lieberman Mäskäwneñ G8lär belän citäkçelek itüen Russiädäge reformalarğa bäylägän rezolutsiä qabul itergä çaqırğan ide . Beräw dä bu turıda işetergä telämägän ide ä xäzer soñ inde . Şotlandiägä kilgäç tä citäkçelär Putinğa xosusi räweştä bolay dip äytergä tieş: Baytaq qına säyäsi iqtisadi üzgäreşlär kertü öçen sine böten yıl buyı nıq basım astında totaçaqbız.Bu çaralar: İqtisadnı açu, mätbuğatnı ireklenderü, mäxkämälärne çistartu häm Kreml tıqşınuı bulmıy eleke sovet respublikalarına üz yulların tabu mömkinçelegen birü. Citäkçelär Putinğa ayruça 2006nçe yıl summitı aftomatik räweştä Peterdä ütäçäk dip uyılıy kürmä , progress bulğan oçraqta ğına anda ütär dip äytergä tieş . Summitnıñ peterdä ütmäve Kreml öçen qotoçqıç,oyatlı xäl bulır ide. İndustriäläre alğa kitkän illär bu mäsälädä ciddi qaraşta buluın kürsätü öçen Rusiä refomaların qarap baraaçq ministırladan torğan törkem bilgeli ala. G8lärneñ kiläse yılda üzlären yañadan oyıştırıp qoru turında uylanuı da kiräkle dip yaza basma. İtalia, kanada kebek keçkenä illärneñ oyışmada toruının mäğnäse yuq, Qıtay, Braziliä Hindistan äğza tügel ikän, Russiädä bulmasqa tieş. Afrika şulayuq möselman dönyası wäkillek itelergä tieş.İMF, Dönya bankı häm Dönya Säwdä oyışması häm bizenes citäkçelräe belän yaqın mönäsäbätlär urnaştıru kiräk. Ämma äytep kitkän bu eşlärneñ berse dä bulmayaçaq. Bush administratsiäse üze telägäneçä etep törtkäläw öçen G8lärneñ zäğif, parçalanğan xäldä kürergä teli,Yevropa citäkçeläre Yevropa Berlege belän mäşğül. Yaponiä Russiä belän konfrontatsiägä kermi.Gleneagles summitı üzennän eleke summitlardan ällä ni ayrılmayaçaq, ämma ütkändä nindi genä tübän standartlar bulmasın citäkçelekneñ Mäskäwgä ütüe artaqa taba atlanğan zur adım bulaçaq dip tämamlana Financial Times mäqaläse färidä xämit
XS
SM
MD
LG