Accessibility links

Äxmädinicat iranlılarnıñ şäxsi tormışına tıqşınmıyaçaq dielä


Mäxmüd Äxmädinicat 4-nçe avgustta İran İslam Respublikasınıñ altınçı prezidentı bularaq ant biräçäk. Ütä Qädimçe dip atalğan Äxmädiniciatnıñ kiñäşçese Mädi Kalhor Äxmädinicat politsiägä keşelärneñ kiemnärenä häm üz-üzlären totışlarına qarap ezärleklämäskä, şäxsi tormışlarına tıqşınmasqa quşaçaq dide. İran däwlät xäbär agentlığı İran parlamentınıñ räis urınbasarı Möxämmät Riza Bahonurnıñ 3-nçe avgustta ayırım inawguratsiä tantanası da bulaçaq digän süzlären kiterä. İran konstitutsiäse nigezendä prezident parlamentta baş xäkim häm deputatlar qatnaşında ant birergä tieş. Prezident saylawlarında ciñep çıqqan Äxmädinicat öçençe möddätkä prezident bulıp saylana almawçı Möxämmät Xatami urınına kilä.
XS
SM
MD
LG