Accessibility links

пәнҗешәмбе, 8 декабрь 2016, Казан вакыты 05:08

Ğiraqta parlamentnıñ iñ ölkän äğzası häm tağın berniçä keşe üterelde


Bügen Ğiraq başqalasınnan tönyaqta maşinağa quyılğan bomba şartlawdan Ğiraq parlamentı äğzası, 87 yäşlek Dari Ali Äl-Fäyäd, anıñ 3 tän saqçısı häm ulı hälak buldı. Fayad Ğiraq parlamentınıñ iñ ölkän äğzası ide häm Ğinwar ayındağı saylawlardan soñ parlament berençe märtäbä cıyılğaç ul räis wazıyfaların başqardı. Şartlawnı kürgän Eissa äl-Musawi:

AUDİO: Bügen irtän şäyx eşenä, Däwlät Cıyılışına barırğa çıqqaç ber terrorçı utırğan maşina şartlap anı häm anıñ ulın üterde. Bağdadtan könyaqta Musayib şähärendäge xastaxanädä intixar şartlatuçı 3 keşene häm üzen üterde. Bügen Ğiraqta fomral' suverenlıqnıñ AQŞ citäkçelegendäge koalitsiädän Ğiraq xökümätenä tapşırıluına ber yıl tuldı. Kiçä Ğiraq premyer ministrı İbrahim äl-Cäğfäri ildä iminlek urnaştıru öçen 2 yıl waqıt artığı belän citär dip isäpläwen belderde. Bu uñaydan bügen AQŞ prezidentı George Bush Ğiraq turında çığış yasar dip kötelä. Süriä Bağdadta Süriä ilçelegen açunı äzerläw öçen Ğiraqqa räsmi törkem cibärä. Soñğı 20 yılda anda Süriä ilçelege bulmadı.

XS
SM
MD
LG