Accessibility links

шимбә, 3 декабрь 2016, Казан вакыты 14:46

BMO xisabı: Äfganstanda äfyün citeşterü arta bara, narkotik aqçasınıñ ber öleşe belän terrorçılıq finansiälänä


BMOnıñ bügen iğlan itkän xisabına qarağanda dönya bazarında satılğan äfyünneñ 87%tı Äfganstannan kilä.2005nçe yılğı narkotika xisabında älege Qabul xökümäteneñ tırışlıqlarına qaramastan Äfganstanda äfyün citeşterü ozaqqa suzılaçaq dip äytelgän.Küzätüçelär Äfganstanda narkotikadan qazanılğan aqçanıñ xalıqara terror aktivlıqların finansiäläw öçen qullanıluın kürsätkän dälillär bar dip belderä.

2004nçe yılda äfyün citeşterüe yaqınça 565tonna çista geroin eşläp çığaru öçen citärlek buldı. Äfyünneñ barısı diärlek Äfganstanda citeşterelgän. Äfyün citeşterüdä ikençe,öçençe urında torğan Myanmar(Burma) häm Laos citeştergän miqdar küpkä azıraq.BMOnıñ Narkotika häm Cinayätçelekkä qarşı köreşkän bülekçäse tarafınnan bügen iğlan itelgän xisapta 2003-2004nçe yıldağı narkotika tendensiäläre tikşerelgän. Dokumentta Äfganstan kiläse yıllarda dönya narkotika säwdäse häm anıñ külämen bilgeliäçäk il dielgän.NYta urnaşqan Tışqı Mönäsäbätlär Şurasınnan İsobel Coleman Radiobızğa äfgan citäkçese Qarzainıñ narkotika säwdäsenä qarşı köräşü mömkinçelege çikle dip säyläde

Coleman(audio)

Qarzai prezident bularaq narkotika säwdäsen beteräçäk digän wäğdälär belän xakimiätkä kilsä dä, älegä bu eşne başqara almadı. Minemçä ällä ni küp alternativalar bulmağan öçen ul bu eşne başqara almadı. Keşelärneñ berdänber kiler çığanağın yuq itü, ilne totrıqsızlandırır ide Qarzai xökümäte bu qurqınıçnı belgänlektän , köçqullanu aksiälärennän totılıp qala

BMOnıñ narkotika häm cinayätçelekkä qarşı bülekçäse başlığı Simone Monasebian BMO Kolombia, Peru kebek narkotika citeşterüçe illärdä alternativ igen programması belän uñışlı buldı di

Monasebian(audio)

Äfganstanda ğına tügel ä Könyaq Amerikada da BMOhäm qayber äğza illär qatnaşqan programma bu, Kolombiadağı uñışnı Äfganstanğa kiterergä tieşebz.Alternativ igen programması nıqlap eşlänsä yaxşı näticälär birer.

BMO ütkän yılda Äfganstanda mäk citeşterü öçen 131meñ gektar cır ayrılğan ide, bıyıl başlarında kimü küzetelde dip belderde. Ämma eşläp çğaru däwam itä.Yevropa häm başqa urınnarda satılğan geroinnıñ çistalığı,täminatnıñ çistalığına işrä itä. 2005nçe yılğı narkotika xisabında Äfgan narkotika säwdäseneñ borçu tudıruçı aspektı- narkotika aqçası belän terrorçılarnı finansiäläw mäsäläse telgä alınmağan .Ämma oyışma citäkçese Antonio Maria Costa andıy bäyleneş turında här daim söyläp kilä.Colemena da Äfganstanda narkotika belän şägellänüçelärneñ Üzbäkstan häm Törkmnästandağı narko-mafia belän tığız elemtäläre bar di.

Coleman(audio)

Hiçşiksez äfyün aqçasınıñ ber öleşe Äfganstan wä Pakistandağı terror törkemnärenä kitä.Tupturı Osama bin Ladenğamı anısın äytä almim,ämma aqça,qoral kontrabandası,höcümnärne oyıştıruçı cirle suğışçılar belän bäyläneşe bulğan törkemnärgä kitä, bezneñ bu turıda açıq dälillärbez bar.

Bıyılğı xisabnıñ avtorlarınnan berse ,tikşerüçe Thomas Pietschman Azatlıqnıñ xabärçese belän ütkärgän ängämädä global narkotika säwdäsendä Äfganstan Üzäk Aziä, Russiäneñ role turında , Rusiä Ukrainada narkotika belän bäyläneşle AİDS-spid çireneñ taraluı turında söyläp,ul da narkotikadan kergän tabışnıñ terrorçılıq öçen qullanılğanın rasladı

Pietschmann(audio)

Üzäk xökümät täsire bulmağan urınnarda äfyun üsterü arta bara. Bu urınnarda suğışçan törkem citäkçeläre, qabilä räisläre narkotika aqçasınnan in küp faydalanuçılar, aqçanıñ ber öleşe hiç şiksez ilneñ törle terror törkemnärenä kitä.Bez bu turıda artqannan arta barğan mäğlümätkä iä, ämma aqçanıñ niçä millionı terroristlarğa ayrıla äytü qıyın färidä xämit
XS
SM
MD
LG