Accessibility links

дүшәмбе, 5 декабрь 2016, Казан вакыты 03:28

Ayrat Waxitovnıñ änise ulınıñ qayda buluın belmi


Çallıda yäşäwçe möselman keşese Ayrat Waxitov iseme küplärgä tanış. Ul Guantanomo törmäsendä totılğan, soñınnan Rusiä xakimiätläre qulına birelgän keşe ide. Rusiädä ul, terrorçılıqta gäeple tügel, dip irekkä çığarıldı. Guantanomo törmäsendä utırğan waqıtta ul, monda kurorttağı kebek şartlar äybät, dip änisenä xatlar yazğan. İnde xäzer, Ayrat Waxitovnıñ fikere üzgärgän. Rusiä mäğlümat agentlıqları xäbär itkänçä, ul üzeneñ gäyıpsezlegen tanıtırğa teläp Amerika Quşma Ştatları xökümäten mäxkämäğä birgän. Ayrat äfände totqınnarnı ezärlekläwdä, Qör`än kebek izge kitapnı mısqıl itüdä törmä qarawçılarnı ğäyıpli. «Azatlıq» xäbärçese Ayrat Waxitovnıñ änise Äminä Xäsänova belän oçraştı. Äminä Xäsänova süzlärençä, ulınıñ qayda bulğanın ul belmi. Ayrat, soñğı aylarda, Çallıda kürenmägän. Äminä Xäsänova ulı qulğa alınğan, dip şiklänä.



Sişämbe kiçendä, Amerikanıñ Rusiädäge ilçese Aleksandr Vershbow, Qazanda bulğanda, Ayrat Waxitovnıñ ğarizasına qarata üz fikeren äytte. İlçe, jurnalistlar sorawına cawap birgändä, gäyıpläwlärneñ döreslegendä şiklänüen belderde. Guantanomada totqannarğa keşelärçä mönäsäbät kürsätälär, alarnıñ dini xislären xörmät itälär dide, ul. Terrorçılıqta gäyıplängän keşelärne, törmädä totıluına legal säbäplär dä bar, dip äytkän Qazanda bulğanda Amerikanıñ Rusiädäge ilçese Aleksandr Vershbow.



Ğafiulla Ğaziz.

XS
SM
MD
LG