Accessibility links

җомга, 9 декабрь 2016, Казан вакыты 16:40

Äskär Aqayevnıñ ulı Aydar cinayätçelektä ğäyeplänä


Qırğızstannıñ elekke prezidentı Askar Aqayevnıñ ulı Aydar Aqayev üzenä häm ğailäsenä qarşı açılğan cinayät eşe säyäsät belän bäyle dide. Bügen Aydar Mäskäwdän Qırğızstandağı küçeş çorı xökümäteneñ anı korrupsiädä ğäyepläwe, häm tikşerü öçen baş prokuror Azimbek Bäknazarovnıñ Aydardan deputat qağılğısızlığı xoquqın alunı sorap parlamentqa möräcäğät itüe turında belderde.

AUDİO: Minemçä älbättä bu ğäyepläwlärneñ kübese säyäsät belän bäyle. Bigräk tä prezident häm bezneñ ğailäbez milke belän bäyle bulğannarı. Komissiä inde 2 yarım ay eşläde, häm alar bu distälärçä, yözlärçä şirkätneñ bezneñ ğailäneke buluın dälillär almadı.

Aydar üzeneñ atası tuğan Kemin rayonınnan deputat bulıp saylanğan ide. Ämma bu yazda prezident Äskär Aqayev xakimiättän bärep töşerelgännän soñ Aydar ğailäse belän Qırğızstannan qaçıp kitte häm parlamentnıñ ber genä utırışında da qatnaşa almadı. Parlament Aqayevlar ğailäsendäge korrupsiä mäs'äläsen bu közdä qararğa cıyına.

XS
SM
MD
LG