Accessibility links

шимбә, 10 декабрь 2016, Казан вакыты 00:23

Mäskäw Ändicandağı xällär cittän oyıştırılğan di


Rusiä saqlanu ministrı Sergey İvanov uzğan ayda Üzbäkstannıñ Ändican şähärendä bulğan kütäreleşneñ Üzbäk xakimiätlären bärep töşerergä telägän cittäge törkemnär tarafınnan oyıştırıluı turında täfsille mäğlümät bar dide. İvanov monı Mäskäwdä Üzbäk prezidentı İslam Kärimov belän oçraşudan soñ äytte. Ändican çualışlarında üzbäk xakimiätläre äytüençä 176, xoquq yaqlawçılar äytüençä 500-dän artıq keşe hälak bulğan. Rusiäneñ RTR televideniese ike citäkçe bu cäydä ike ilneñ armiäläre Sovetlar Berlege tarqalğannan soñ berençe märtäbä urtaq künegülär ütkäreläçägen iğlan itte dide. Rusiä citäkçelegeneñ Äfğänstanda künegülär ütkän suğışçılar üzbäk xökümäten bärep töşerü öçen Üzäk Aziägä ütep kerä digän belderüen Äfğän räsmie kire qaqtı. Äfğän prezidentı Xämit Qarzainıñ tışqı mönäsäbätlär kiñäşçese Rangin Dadfar Spanta Äfğänstandağı problemalar belän Üzbäkstandağı xällär arasında bernindi bäyläneş tä yuq, Äfğän xakimiätläre ber törkemgä dä çit illärneñ eşene tıqşınu mömkinlege birmi dide.

XS
SM
MD
LG