Accessibility links

шимбә, 3 декабрь 2016, Казан вакыты 01:37

Yewropa Berlege Törkiä belän söyläşülärne üktäbergä başlarğa cıyına


Yewropa komissiäse Törkiäne Yewropa Berlegenä alu söyläşülärenä üktäber başında kereşü turında qarar ölgesen qabul itte. Dokumentta söyläşülärneñ urtaq maqsatı Törkiäneñ Yewropa Berlegenä quşıluı mäs'äläse dielä. Anda şulay uq protsesnıñ waqıt belän çiklänmägän buluı häm näticäseneñ bilgele bulmawı da äytelä. Brüssel'dä Berlekne kiñäytü komissionerı Ollie Rehn Yewropa Berlegeneñ Törkiä belän äğzalıq söyläşülären başlawnı xuplaw qararı ozın, dälille häm bik tä säyäsi debatlarnıñ näticäse dide. Yewropadağı qayber urta-uñçı citäkçelär Törkiäneñ berlektä äğzalığına qarşı çığa. Kiçä kiç Brüssel'däge seminarda Törkiä premyer ministrı Recep Tayyip Erdogan yewropalılarğa möräcäğät itte. Erdogan Yewropa Berlege Törkiäne qabul itkännän soñ ğına barı tik xristian illärneñ genä oyışması bulmawı turında belderä alaçaq dide. Erdogan Yewropa Berlege xristian häm islam mädäniätläre tatu yäşi torğan urın bulırğa tieş dide.

XS
SM
MD
LG