Accessibility links

Ğiraq häm Süriä üzara ilçeleklärne açu turında söyläşte


Biredä Ğiraq häm Süriä räsmiläre oçraşıp tulı diplomatik elemtälärne torğızu häm ütkän 23 yılda bulmağan ilçeleklärne yañadan açu turında söyläşte. Ğiraq tışqı eşlär ministrı urınbasarı Läbid Abu söyläşüdä qatnaşuçılar ilçeleklärne açu häm ilçelärne bilgeläp quyu könen atamadı dide. Uzğan töndä AQŞ prezidentı George Bush AQŞnıñ Ğiraqtağı ğämällären yaqlap çıqtı. Bush televidenie aşa amerikan xalqına möräcäğättä Ğiraqta ciñü AQŞnıñ iminlege öçen zarur dide. Ul Ğiraqtan amerikan ğäskärlären çığaru könen atawğa qarşı çığıp alar anda ciñügä ireşkänçegä qädär torırğa tieş dide. Rusiä tışqı eşlär ministrı Sergey Lavrov bügen äl-Watan äl-Arabi jurnalında basılğan inteviewda Ğiraqta tınıçılıqqa häm totrıqlılıqqa barı tik küpyaqlı diplomatiä yäki Berläşkän Millätlär Oyışması aşa ğına ireşep bulaçaq di.
XS
SM
MD
LG