Accessibility links

шимбә, 10 декабрь 2016, Казан вакыты 17:42

AQŞ xoquq yaqlaw agentlığı Kärimovqa basımnı arttırırğa çaqıra


Yevropada İminlek wä Xezmättäşlek Oyışmasınıñ AQŞ komissiäsendä ütkän ayda Ändijanda bulıp alğan waqıyğälärne tikşerü öçen Waşingtonnıñ Taşkentqa kübräk basım yasau kiräklege turında möräcäğätlär tıñlandı. Ändijan waqıyğälärenä şaxit bulğan jurnalistlar , tanılğan üzbäk opozitsion wäkile häm xökümättän bäysez oyışmalarnıñ belgeçläre Waşingtonnıñ Ändijan waqıyğälärenä mönäsäbätenä borçılu belän qarıy

Ändijandağı köç qullanuğa 6 atna waqıt ütkännän soñ Washingtonnıñ üzbäk xökümätenä qarata qırısraq mönäsäbät kürsätüe kiräk digän yaña öndäwlär bar.AQŞ xökümäte Ändijan waqıyğälären xalıqara törkem tarafınnan tikşerergä çaqırdı häm Taşkentnıñ ülüçülär turında birgän farazalarına qarşı çıqtı. Ämma cirle belgeşlär häm aktivistlar bu citärlek tügel di. Keşe xoquqlarınıñ torışın küzätep barğan AQŞ agentlığındağı söyläşülärdä Waşington tikşerü öçen basımnı arttırırğa häm Kärimov belän mönäsäbätlären küzdän kiçerergä tieş dip äytelde.Yevropada İminlek wä Xezmättäşlek Oyışmasınıñ AQŞ komissiäse belän citäklägän respublikan senator Sam Brownback Üzbäkistan AQŞ säyäsätçeläre öçen zur dilemma bulıp tora di.

Brownback(audio)

Üz mänfäğätlärebezgä zian kitermi andıy citäkçe belän küpme eşläw mömkin mikän?.Bez qısqa möddätle qazanışlar öçen ozın möddätle mänfäğätlärne qurqınıç astındamı qaldırabız? Bez terrorçılarnımı köçländeräbez ällä Kärimov belän bergä aña qarşımı köräşäbez?

Kiñäşmägä qatnaşuçılar Kärimov belän eş itüdä ällä ni mömkinçeleklär kürmi.Xalıqara krizis Törkemeneñ Aziä programması mödire Robert Temple Kärimov sonğı ber niçä yılda Waşingtonnıñ törle reform etärgeçlären kire qaqtı di

Temple(audio)

Bernindi etärgeç yäki basım çaraları , bigräk tä iqtisadnı açu mäsäläsendä Kärimovnı qımıldatmıy da xosusi ekonomikada qayber eksterm çikläwlär äle dä üz köçendä

Temple ,Kärimovqa qarata etärgeçlär belän bergä basım çaraları qullanunı täğdim itä.Ul Taşkent Ändijandağı köçqullanu tikşereregä riza bulğançı,AQŞ Qarşı Xanabad hava bazasın arendağa alu turındağı söyläşülärne tuqtatıp torırğa tieş di.Human Rights Watchta Üzäk Aziä belgeçe Holly Cartner fikrençä, Washington taläpläreneñ ütälüe öçen açıq waqıt grafikası bilgelärgä tieş.Üzbäkstan xalıqara tikşerenüne kire qağıp kilsä AQŞ xärbiläre ildän çığarılırğa tieş.

Cartner(audio)

Qısqa waqıt eçendä Kärimov xökümäte aktivlıqlarında üzgäreşlär kürenmäsä dä ,Bu möhim işaräne Üzbäkistan xalqı kötä. Alar AQŞ xökümäte, Yevropa Berlege häm başqa xalıqara oyışmalar alar yanında häm alar belän bergä digän kündermäne işetergä teli.

Üzbäkstanda opozitsiädäge Erk Partiäseneñ eksildä yäşäwçe citäkçese Möxämmäd Salıx amerikan xärbiläreneñ ildä qaluın teli, Anıñ qaraşınça bu Qıtaynıñ Üzbäkstandağı ekspansionist mänfäğätlärenä qarşı köç bulır ide. Ämma Salix AQŞnıñ demokratik reformalar öçen basım yasarğa däwam itüe möhim, çönki bu Bush administratsiäseneñ pro-demokratiä köntärtibeneneñ ezleklelegenä işarä bulır ide di Salix , qayber analitiklarnıñ Kärimov xakimiättän çitlätelsä,urının islamçı fundamentalistlar alaçaq digän fikerlärenä qarşı . Ul Xızb-ı Taxrir üzbäklärneñ küpçelege öçen artığı belän radikal digän .Ütkän ayda Ändijan waqıyğälärenä şaxit bulğan jurnalistlar anda islamçı ekstremistlarnıñ role yuq di.Xökümättän bäysez Suğış we Solıx Xäbärläre İnstitutı xabärçese Galimä Buxarbaeva şulayuq Şwitsar gazetası Neue Züricher Zeitung korrespondentı Marcus Bensmann äytülärenä qarağanda alar Taliban, yäki çäçännnär kebek çit il suğışçıların kürmägän.Buxarbaeva 13nçe mayda xalıq 23 cirle eşmäqär östennän ütkärelgän ğädel bulmağan mäxkämä protsesına açuın kürsätep,iqtisadi,içtimağıy reformalar ütkärerergä çaqırdı. Xökümät meñnnärçä keşegä ut açıp cawap qaytardı . Üzbäk xökümäte 176 keşe üterelde, başkütärü çittä planlaştırılğan ide dip däğwä itä färidä xämit
XS
SM
MD
LG