Accessibility links

сишәмбе, 6 декабрь 2016, Казан вакыты 05:59

Ramil xäzrät Yunıs aqlanırğa cıyınmıy


Pänceşämbedä Qol Şärif mäçetenä öylä namazına dip berniçä distä keşe cıyılğan. Mäçet işege arqılı ütkändä maxsus tikşerü caylanması aşa militsiä xezmätkärläre häm şuşında eşläwçe şäkertlär här keşene tentep kertälär ikän. Fotosurätkä, videoğa töşerü tıyılu xaqında aldan äytep, kisätep toralar. Älbättä, monda kilgän xalıqnıñ kübese ğibädät qılırğa tügel, ä muzey-mäçetne qararğa kilälär-kitälär. Şäkertlär härdaim kilgän-kitkän keşelärne gel küz uñayında tota. Maqsat, mäçet imamı Ramil Yunısovnıñ , aña taşlanğan ğäyeplärgä qarata fikeren belü ide. Mäçettä kizüdä toruçı şäkertlär Ramil xäzrätne öylä namazı başlanır aldınnan ğına kilä didelär. Cıyılğan xalıq arasında, Seriädä dini belem aluçı Abdurraxman Ramil xäzrätkä qarata bulğan ğäyepläwlär turında, anıñ şäxese xaqında menä närsä dide

Berençe şunı äytergä telim, İslamda wahhapçılıq bötenläy yuq. Bu äyberneñ yuq ikänen mäğlümatnı taratuçı keşe bik yaxşı belgän. Keşene qızıqsındıru, anıñ yazmasın keşe kübräk uqısın öçen eşlägän, häm tağın ber maqsatı xäzrätkä pıçraq sibü dip sanıym

Öylä namazı tämamlanğannan soñ, Ramil Yunıs Azatlıq radiosı öçen üzeneñ añlatmaların birde

Qol Şärif mäçetendä imam buluım belän 450 yıl elek yäşägän häm şuşı mäşhür' mäçettä imam bulğan Qol Şärif Mansur ulı yulın, anıñ totqan qiblasın, anıñ yünäleşen ütärbez dip häm monıñ östendä böten köçebezne quyıbız dip äytäsem kilä. Älbättä, xalıq monı bik yaxşı belä. Çönki äytkän süz tügel, ä eşlägän eş belän baya quya bezneñ xalıq. Miña berniçek tä, berqayçan da aqlanırğa turı kilmäyäçäk häm kilmäde dä. Xäzer dä kemder qarşında aqlanasım kilmi. Niçek kenä yazalar ikän, nindi genä mäqälä uylap tabalar ikän. Busı härber keşeneñ wöcdanında, härber keşeneñ xalätenä qarap. Min härber keşegä xäyerle doğa qılam. Xatın-qızlar mä’säläsenä kilgändä, älbättä mäçetkä xatın-qızlar kerä ala. Räsülebezneñ dä beregez dä xatın-qızlarnı mäçetkä yörüdän tıymağız digän xädise bar, häm bu bezneñ tatar xalqınıñ da yolasında da çağılış taba. Mäçet açılğan könne dä xatın-qızlar kerdelär, şul uq Amerika posulı Vershbow kilgän waqıtta da anıñ tärcemäçeläre, yärdämçeläre, älbättä, barslıda kerdelär. Şuña kürä, tatar xalqına da, başqa xalıqqa da bezneñ mäçetebezneñ işekläre härwaqıt açıq. Min şähsiätlärgä tuqtalasım kilmi. Äle bezneñ berençe adımnarıbız ğına, xata yasamasaq ide dip kenä borçılabız. Maqsatıbız döres, maqsatlarıbız urtaq. Alla boyırsa, şähsätlärgä birelmiçä üzebezneñ maqsatıbıznı döres itep ütkärergä tırışabız.

Röstäm İsxaqi

XS
SM
MD
LG