Accessibility links

якшәмбе, 11 декабрь 2016, Казан вакыты 11:09

Qotqaruçılar Äfğänstanda hälakätkä yullıqqan AQŞ boralağı yanına kilde


Äfğänstanneñ könyağındağı tawlarda sişämbe könne hälakätkä yulıqqan Çinuk AQŞ xärbi boralağı yanına bügen qotqaruçılar törkeme kilep citte. Ämma boralaqta bulğan 17 keşeneñ yazmışı turında älegä berni dä äytelmi. Alar ülgän dip isäplänelä. AQŞ xärbiläre süzçese Leytenant Polkovnik Jerry O'Hara qotqaruçılar anda barıp citte, ämma doşman suğışçıları alarnıñ eşenä qomaçawlıy dide. Çärşämbe könne qotqaruçılarğa anda barırğa qomaçawlağan dawıl bügen tındı. Boralaqnıñ tawlar arasındağı yaqınlaşırğa qıyın urında cimerelüe, anda cäyäw genä kilergä mömkin buluı häm atışlarnıñ däwam itü säbäple qotqaru eşe tağın da qatlawlandı. Boralaq töşkännän birle ul urında küktä AQŞ xärbi oçqıçları oçıp yörde, cirdä AQŞ häm Äfğän xärbiläre ğisyançılarğa boralaqqa yaqınlaşu mömkinlege birmäde.

XS
SM
MD
LG