Accessibility links

якшәмбе, 11 декабрь 2016, Казан вакыты 03:26

Tübätäyle, saqallı kileş universitet yanında yörü tıyıla?


Zöfär Gıyläcev dustı belän oçraşu maqsatınnan Qazan däwlät universitetınıñ töp binası yanına kilgän bulğan. Ber-ike minut kötkännän soñ anıñ yanına başta berençe saqçı kilep anıñ tikşerergä xoquqı barlığın añlata başlağan, annarı ikençe saqçı kilep üz dokumentın kürsätkän. Zöfär Gıyläcev tä üzeneken kürsätkän häm anıñ dokumentın qulınnan tartıp alıp, birergä telämägännär. Äytergä kiräk, saqçılıq xezmätkärläre militsiä bulmaw säbäple, keşeneñ dokumentların tikşerergä bernindi xoquqları yuq.

Ni öçen monda kilüe belän qızıqsınırğa totınğannar. Bu xaqta

Zöfär Gıyläcev

Minnän ni öçen monda kilüem belän qızıqsındılar. Añlatmalarıma, dokumentlarıma ışanmadılar. Mine universitetqa kerergä mäcbür ittelär. Şunnan qabat tikşerergä totındılar. 3 ir keşe añlatmalar soradılar. Min alarğa nindi añlatma kirägen täki añlıy almadım. Eş urınıma şaltıratıp soradılar. Nik şulay kienep yörüem belän qızıqsındılar. Min tübätäydän, külmäktän häm saqallı idem.

Saqçılarınıñ berse añlatma yazğan başlağan. Zöfär Gıyläcev bernindi käğäzgä imza quymayaçağın, advokatsız başqa bernindi söyläşülär alıp barmayaçağın äytkän. Zöfär Gıyläcev üz söyläwen däwam itä

Min soradım ni säbäple min totqarladılar dip. Üz-üzeñne säyer totasıñ dip añlatqannar. Bez sezneñ kebeklärne beläbez – keşelärne ber-berse belän bäreleşteräsez digännär. Üz mäçetläregezdä cıyılığız. Sezneñ universitet yanına kilergä xoquqığız da yuq.

Saqçılarnıñ berse Zöfärne tağın ber universitet qarşında kürsä militsiägä tapşıraçağın äytkän. Soraştıru waqıtında şulay uq alar Federal' İminlek xezmätenä şaltıratıp Zöfär Gıyläcev turında soraşqannar. Küräseñ filologiä fännäre turında tiskäre mäğlümat ala almağannar. Barı şunnan soñ ğına saqçılıq başlığı tınıp qalğan soñğı waqiğalar belän bäyle şundıy kürsätmä töşerelgänen äytkän.

Comğa könne “Azatlıq” radiosı xäbärçese älege waqiğağa qarata kommentariy alırğa telär Qazan däwlät universitetınıñ Saqçılıq törkeme citäkçesenä möräcäğät itte. Saqçılıq törkem citäkçese mondıy xälneñ buluın äytte, ämma kommentariy birüdän baş tarttı. Minem kommentariy birmäskä xoquqım bar dip cawapladı. Saqçılıq citäkçese minem eş tanıqlığımnı tikşerergä totındı, anıñ yanında utıruçı ikençe keşe yazdırudan qurqıpmı, minem diktofonımnı qulımnan alıp, söyläşep betergänçe birmi tordı.

Tatarstannıñ Federal' İminlek xezmäteneñ matbuğat üzäge citäkçesenä bu waqiğağa añlatma birergä möräcäğät itkäç “Ul bu waqiğağa añlatmanı barı şul saqçılardan ğına ala alasız. Bezneñ moña bernindi qatnaşıbız yuq”, - dip cawap birde.

Yurist Ramil Nuriev saqçılarnıñ bolay keşelärne totqarlarğa xoquqı yuq dip bilgeläp uza

Saqçılarğa bernindi xoquqı da yuq totqarlarğa, tikşerergä, yabıp totarğa. Ämma alar anı üz beldeklege belän eşlämi, ä citäkçeläre quşqan buyınça başqara. Alarnıñ bolay eşlärgä bernindi xoquqları yuq. Bu moral' yaqtan da, zakon buyınça da keşe xoquqların boza.

Zöfär Gıyläcev mäxqamägä möräcäğät itärgä dä isäbe barlığın äytä. Anıñ fikerençä, ägär ul üz-üzen yaqlamağan bulsa, aña yalğan ğayıplär yabuları da bik mömkin ide.

Landış Xarrasova

XS
SM
MD
LG