Accessibility links

шимбә, 3 декабрь 2016, Казан вакыты 14:45

Gruziädä çualışlardan soñ politsiä 25-läp keşene totqarladı


Gruziädä ike mäğlüm sportçınıñ qulğa alınuına protest belderüçe yözlärçä keşe belän politsiä arasındağı bäreleşlärdän soñ Gruziä xakimiätläre tönlä 25-läp keşene totqarlawın belderde. Totqarlanuçılar arasında 5 oppozitsiä äğzası da bar. Alar Tiflis üzägendä röxsätsez miting oyıştıruda ğäyeplänä. Soñraq şähärdä tınıçlıq urnaştı dielä. Oppozitsiä äğzaları aldaraq oyıştırılırğa tieşle demonstratsiäne ütkärügä röxsät birelmäwenä açu belderü öçen bu protest çarasına quşıldıq dip belderä. Bäreleşlärdän soñ qayber oppozitsiä äğzaları eçke eşlär ministrın wazıyfasınnan alırğa çaqırdı. Ämma parlamentnıñ räis urınbasarı Mixail Maçavariani politsiäne yaqlap bezneñ politsiä qanun qısalarında eş itte. Häm härkem şunı belergä tieş, mäxkamälärgä höcüm itkän häm töp yullarnı yapqan beräw dä cäzadan qotıla almıyaçaq dide. Demonstratsiälär Grüziä Köräş Federatsiäse başlığı Aleksey Davitaşvili belän jüdo çempionı Georgy Revazişvilinıñ şantajda ğäyeplänep qulğa alınuınnan soñ başlandı.

XS
SM
MD
LG