Accessibility links

Кайнар хәбәр

Törkiä yustitsiä ministrlığı yanında bomba şartlatırğa cıyınğan keşene üterelde


Törkiä politsiäse yustitsiä ministrlığı yanında bomba şartlatırğa cıyınğan dip şiklänelgän ber keşene atıp üterde. Törkiä televideniese politsiäneñ ul keşe yaralanğannan soñ da aña atuı töşerelgän tasmanı kürsätte. Ul keşe bombanı şartlatu omtılışın däwam itkän bulğan dielä. Soñraq xäbärçelär anıñ cirdä qan eçendä yatuın kürgän. Politsiä ul keşeneñ iseme Äyüp Beyaz dip belderä. Politsiä äytüençä ul ildä tıyılğan ber sulçı törkem äğzası bulğan. Şahitlär äytüençä xökümät binası yanında iminlek cihazları ul keşedä şartlatqıç buluın sizgän. Alar äytüençä şunnan soñ ul keşe uramğa yögergän häm politsiä anıñ ayağına, başına atqan. Soñraq politsiä ul urınnı çolğap alğaç, belgeçlär anıñ kieme astınnan şartlatqıç alıp anı zararsızlandırğan.
XS
SM
MD
LG