Bügen Dönyanıñ törle şähärlärendä Afrika illärendäge fäqirlekkä iğtibar cälep itü maqsatında konsertlar ütä. Live 8 dip atalğan konsertlar seriäsendäge iñ töp konsert Londonda bara. Biredä konsert başınmda elekke Beatles cırçısı Paul McCartney, häm U2 cırçısı Bono 150 meñläp keşe aldında bergäläp cırladı.
Buşqa ütkärelüçe bu konsertlar kiläse atnada Şotlandiädä ütäçäk Sigezlek illäre citäkçeläre oçraşuı uñayınnan oyıştırıla. Oyıştıruçılar bu konsertlar Sigezlek citäkçelären Dönyanıñ iñ yarlı illärenä fäqirlekkä qarşı köräştä yardäm itügä etärer dip ömetlänä.
Londonnan tış bu konsertlar Berlin, Parij, Rim, Mäskäw, Filadelfia, Johannesburg häm Toronto şähärlärendä dä ütä.
Bu konsertlarnı qararğa dönya buylap10 millionlap keşe cıyılır dip kötelä. Alarda barlığı 160 törkem çığış yasıy.
