Accessibility links

Rusiä Kaliningradnıñ 750 yıllıq bäyrämenä Polşa belän Litvanı çaqırmadı


Bügen Kaliningradnıñ 750 yıllıq bäyräme uñayınnan şähärdä Russiä citäkçese V.Putin Fransiä prezidentı J.Chirac häm Germaniä kanslerı G.Schroeder oçraştılar .Söyläşülär üzägendä Rusiäneñ Yevropa Berlege belän mönäsäbätläre häm Berlek belän Rusiä arasındağı yaña xezmätäşlek kileşüe tora. Kaliningradnıñ in yaqın kürşeläre Polşa belän Litva citäkçeläre 750yıl qotlawlarına çaqırılmadı.

Här ike il dä , moña üzlären diplomatik yaqtan kimsetü öçen eşlängän eş dip qarıy.Polşa prezidentı Alexander Kwasniewski bu yalğışlıq belän eşlängän eş tügel di. Litva citäkçese xökümät äğzaların qotlawlarğa qatnaşmasqa çaqırdı. Rusiäneñ 2.Böten Dönya Suğışınnan soñ ğına üz kontrole astına quyğan töbäk belän ike kürşeneñ mönäsäbätläre küpkä borınğıraq bulğanlıqtan , alarnıñ çaqırılmawı säyer älbättä Analitiklar Polşa belän Litvanıñ çaqırılmawı turında farazlar ğına äytä ala. Vilnusta urnaşqan Xalıqara Mäsälälär İnstitutı analitığı Vytautas Radzvilas Litva üzeneñ yaña geopolitik häm ekonomik wazğiäten töbäktägelärnıñ qabul itüe öçen küp kenä yardäm itergä tieş, Rusiä bälkim dä miña andıy yardäm kiräkmi dip äytä torğandır

Radzvilas(audio)

Bäyrämgä çaqırılmaw Litva tırışlıqların kimetü dip añlaşıla

Radzvilas, litvalı qayber säyäsätçelär fikrençä, Kreml may ayında Mäskäwdä ütkärelgän ciñü tantanalarına Litva prezidentınıñ qatnaşmawına xäzer üç ala , Ämma Kwasniewski Mäskäw bäyrämenä barğan bulsa da , aña Kaliningradqa çaqıru bulmadı dip söyli analitik Mäskäwdä Xalıqara İnstitutta eşläwçe başqa ber analitik Kirill Koktysh Litvanıñ Mäskäw tantanalarına barunı kire qağuı Rusiä-Litva mönäsäbätlären qısqa waqıt öçen genä ağuladı di

Koktysh(audio)

Monda küräzüçelek kenä itü mömkin: ber yaqtan qarağanda Rusiäneñ Litva häm Polşa belän mönäsäbätläre in yaxşıdan bulmasa da , bik naçar da tügel

Koktysh qaraşınça Rusiäneñ şundıy qarar birüendä törle säbäplär rol uynağandır .Mäskäw Litvanıñ sovet okupatsiäse öçen kompensatsiä sorawı belän qänäğät tügel. Mäskäw bälkim dä Vilnusnıñ Belarusta demokratiäne qıyulandıruı belän dä qänäğät tügelder.

Koktysh(audio)

Kiewta ''äflysin inqilabı '' waqıtında Polşa belän mönäsäbätlär bıraz naçarlanğan ide, ämma annan soñ bernindi insidentlar bulmadı.Polşa Rusiägä qarşı ber nindi deklaratsiä yasamadı.

Analitik Kremlneñ bu ike ilgä kündermä cibärüenä şik yuq ämma monıñ serle buluı problema bulıp tora di .V.Putinnıñ ölkän yardämçese Sergey Yastrjembski Kreml Kaliningradnıñ qayber kürşeläreneñ mätbuğatında çıqqan spekulativ eçtälekle yazmalarğa şaqqata ni öçen alar tantanalar nindi bulırğa tieş digän mäsälädä Rusiägä üz qaraşların tağarğa tırışa dip belderde. Koktysh neft bäyäläreneñ artuı säbäple, Rusiä xäzer Germaniä häm Fransiä iqtisadı öçen möhim dip äytä. färidä xämit
XS
SM
MD
LG