Accessibility links

дүшәмбе, 5 декабрь 2016, Казан вакыты 23:52

Samar mäçete senzor bulası kilä


İyün ayı başında min “ Azatlıq” radiosı dulqınında “Xizbut Täxrirçılar”, Samar Cämiğ mäçeteneñ xizbutçılarğa qarşı “ Azan” gäcitçäseneñ maxsus sanı çığu turında söylägän idem. Efirda xäbär yañğırap un kön uzğaç Samar Cämiğ mäçete särqatibe Minnäxmät Sägıyrev miña şaltıratıp ğömerdä bulmağan insaflı tawış belän xäl- äxwäl soraştı häm yıraqtan uratıp radiodan Xizbutçılar turındağı mäğlumätkä barıp citte.

“ Sin bit “ Azatlıq” radiosın tıñlamıysıñ, qaydan bu xäbär sindä? “- digängä Sägıyrev: “ Östälemdä tawışıñ yazılğan kasseta. Tıñlawçılar bar, “- dip kenä kisterde häm şunnan kitte- kitte.

Ni öçen Şamil Bahautdin Xizbut Täxrirçılar turında xäbär birä?

Ni öçen Şamil Bahautdin Xizbutçılar turında xäbär birer aldınnan mäçettäge Minnäxmät Sägıyrev belän kiñäşmägän?

Ni öçen Şamil Bahautdin mäçettän röxsät almağan?

Samar Cämiğ mäçete särkätibe Minnäxmät Sägıyrev belderüençä, “mäçet belän kiñäşep, mäçet röxsät birgän xäldä genä çın möselman bulıp yäşärgä bula ikän.”

Minem: “ Närsä xäzer Samar Cämiğ mäçet senzura üzäge häm KGBnıñ bülekçesenä äwereldeme?”- diyuemä Minnäxmät Sägıyrev: “ Çın keşe bulıp yäşärgä teläsäñ, bezneñ belän kiñäşep eşlä, ä bezneñçä yäşämäsäñ sin puçtäk keşe”, - dide dä, telefon trubkasın ırğıttı.

Uylandırırlıq närsä, sotsializm çorında M. Sägıyrev KGB cäberen kürep yäşägän şäxes, milli xäräkät citäkçeläre salıp birgän mäçet eçenä kerep urnaşqaç şul öç xärefneñ tuğrılıqlı xezmätkärenä äwerelüe, “ bu dönyada nilär bulmas” işaräsenä töple dälil.

Şulay da Minnäxmät Sägıyrev ike sorawıma da cawap birmäde. Alar tübändägelär ide:

Närsä, Samar Cämiğ mäçete qoyması eçendägelär genä çın keşeme?

Närsä, Samar Cämiğ mäçete kanselyariäse bülmäsendä genä möselmanlıq möheren çäpilärme?

Kürenep tora Samar Cämiğ mäçetendä eşçänlek qiblası awışu sıman, eşlär bolay barsa Samarda mullalarnı da KGB iläge aşa ğına uzdıraçaqlar, möğayın.

Şamil Bahautdin, Samar.

XS
SM
MD
LG