Tatarstan prezidentı Mintimer Şäymiev, ütkän yal könnärendä Kaliningrad ölkäseneñ 750 yıllığında bulıp qayttı. Anda ul Rusiä prezidentı ütkärgän, töbäk citäkçeläre cıyılışında qatnaşqan, dip xäbär itä TR Prezidentnıñ mäğlümat üzäge. Tatarstan Prezidentı Rusiä Prezidentı belän ike yaqlı şartnamä turında söyläşkänme yuqmı, bezgä bilgele tügel. Mintimer Şäymiev jurnalistlar belän söyläşmäde ul turıda. Belgänegezçä, Üzäk häm Tatarstan arasındağı şartnamä inde äzer bulıp, tel mäs’äläsenä kilep törtelgän ide. Söyläşülärdä qatnaşqan tatarstan wäkilläre äytkänçä, ike yaqnı da qänäğätländerä torğan qararğa kiler öçen, tel mäs`läsen ike Prezidentnıñ xäl itüe kiräk. Yul başına, qanun räweşendä eşlängän ike yaqlı şartnamäne Däwlät Şurası qararğa tieş ide. Ämma älegä parlamenttan yaña utırış bilgelänü turında xäbärlär yuq, deputatlar da cäyge yalğa taraldı.
