Accessibility links

якшәмбе, 4 декабрь 2016, Казан вакыты 07:04

Märkäzebez Qazanda Qol Şärif mäçeten açu tantanaları cirle tatar mäğlümlät çaralarında kiñ yaqtırtıla


Küptän tügel Kriuşi qasabasında urnaşqan Sudnolar tözätü şirkäteneñ mazut belän tulı zur sawıtlarınıñ ventil'lären urlaw arqasında, baytaq mazut ağıp çıqqan ide. Anıñ İdelgä eläkmäwe öçen zur tırışlıq kürsätelde. Bu turıdağı şaw-şular tınıp ta ölgermäde, Zöya yılğasına ike täwlek buyı niftä yılğaçığı ağıp yatqanı mäğlüm buldı. Torbanı tişep, qaraqlar niftä urlağannar häm tişegen şul köe qaldırıp qaçqannar. Näticädä baytaq cir mayı yılğağa aqqan. Moña köçle yañğır da säbäp bulğan.

Tüläwle “Yoldızım” isemle televizion programmanıñ 15 minutlıq soñğı tapşıruı tulayım Qol Şärif mäçeten açu tantanasına bağışlanğan ide. Alıp baruçı Gölnara Kälimullina äytüençä, kiläse ike atna tapşırularında da şuşı tema iğtibar üzägendä bulaçaq.

“Ömet” gäziteneñ dä soñğı sanı şul tantanağa zur iğtibar birgän. Berençe säxifäsendä Mäçet suräte häm reportaj urnaşqan. “Ömet” şulay uq “Millät yazmışı häm İslam: bügenge wäzğıät häm alda torğan problemalar” digän konferensiä turında da mäğlümlät birgän. Ä BTK Başqarma komitetı räise Rinat Zakirovnıñ notığı tulayım basılğan. Doklad menä nindi isem astında birelgän: “İslam dine millät yazmışın qayğırtamı?”

Ul'yan ölkäsendä bıyılğı soñğı sabantuylarına qağılışlı berniçä süz. Qağılışlı ğına, çönki bu bäyrämebez turında bıyıl artığraq ta söylängänder inde.

Çınlı rayonı Yaña Timerçän awılı bäyrämeneñ üzençälege - anda gubernator Sergey Morozovnıñ qatnaşuı. Ul buş qul belän genä kilmägän: awıl balalarına mäktäp avtobusı büläk itte. Şulay uq yazğı çäçü çorında 700дән artıq gektar cir sörgän Radik Şamşalievkä çit ilgä yalğa baru öçen putevqa wäğdä itte. Baqsañ, Radikqa rayon buyınça ğına tügel, ölkä külämendä dä tiñnär bulmağan ikän. Ä cirle xucalıq räise İldus Xämzin yegetkä batırlıq simvolı täkä dä büläk itte.

Tatar Saymanı awılı sabantuyında citdi kürkäm xäbär küñellärne kütärde. Rayon avtonomiäse citäkçese Töxfät Biktimerov belderüençä, yaqın arada Nikolaev rayon televideniese tatar häm erzä (mordva) tellärendä atna sayın tapşırular birä başlayaçaq.

Çardaqlı rayonı üzägendä uzğan bäyräm rayon başlığı Viktor İgnat'yevnıñ aktiv qatnaşlığı belän istä qalır. Ul milli köräştä töp ciñüçelärgä üze kitergän büläklärne üz qulı belän ük tapşırdı.

“Azatlıq” radiosı, Ayrat İbrahim, Sember.

XS
SM
MD
LG