Accessibility links

якшәмбе, 4 декабрь 2016, Казан вакыты 06:58

AQŞ klimat üzgäreşenä qarşı yaña kileşü imzalamıyaçaq


Şotlandiädä çärşämbe könne sänäğät üseşe alğa kitkän 7 ilne häm Rusiäne üz eçenä aluçı Sigezlek oçraşuı aldınnan AQŞ prezidentı George Bush klimat üzgärügä qarşı çaralar turında yaña kileşü tözü mömkinlegen kire qaqtı. Britaniä televideniesenä interviewda Bush klimat üzgäreşläre citdi problema, ämma Waşington Kyoto kileşüe kebek kileşülär imzalamıyaçaq, çönki ul AQŞ iqtisadına zıyan kiterä dide. Minemçä klimat üzgäreşläre bez şöğellänergä tieşle möhim ozın möddätle mäs'älä. Şuña kürä minem xökümät ul mäs'älä belän şöğellänä dide Bush.

Sigezlek oçraşuı aldınnan Edinburg şähärendä protest belderüçelär belän politsiä arasında bäreleşlär buldı. 20-läp politsiä xezmätkäre häm protest belderüçe yaralanğan dielä. Demonstratsiäçelär başqa mäs'älälär belän bergä klimat üzgäreşe mäs'äläsen dä qarap, klimat üzgäreşenä kiterä dip isäplängän gazlar çığarunı kimetü turındağı Kyoto protokololın telgä aluçı belderü belän çığunı taläp itä. Quşma Ştatlardan qala Sigezlekneñ başqa barlıq illäre dä, Britaniä, Kanada, Fransiä, Germaniä, İtaliä, Yaponiä häm Rusiä bu kileşüne ratifikatsiäläde.

XS
SM
MD
LG