Accessibility links

сишәмбе, 6 декабрь 2016, Казан вакыты 22:59

Şanxay Xezmättäşlek Oyışması Üzäk Aziädän koalitsiä köçlären çığaru könen bilgelärgä çaqıra


Şanxay Xezmättäşlek Oyışmasına kergän 6 il Quşma Ştatlar citäkçelegendäge koalitsiäne Üzäk Aziädän ğäskärlären çığaru könen bilgelärgä çaqırdı. Älege regional iminlek oyışmasına kergän illär Rusiä, Qıtay, Qazaxstan, Qırğızstan, Üzbäkstan häm Taciqtstan citäkçeläre Qazaxstan başqalasındağı oçraşuda şundıy belderü belän çıqtı. Belderüdä Äfğänstanda zur bäreleşlärneñ tämamlanuı säbäple Üzbäkstan belän Qırğızstandağı xärbi bazalardan ğäskärlärne çığaru waqıtın bilgelänergä tieş dielä. Bu belderüne imzalağan Rusiä prezidentı Vladimir Putin bolay dide. AUDİO: Belderüdä äytelgännär xörmät iterelgä häm saqlanırğa tieşle närsälärgä urtaq qaraş nigezendä äzerlängän. Ul sivilizatsiälärneñ häm tärräqiät misallarınıñ küptörlegen niçek añlawıbıznı çağıldıra. Ul ölgelärne häm standardlarnı köç belän yäki köç qullanu yanawı belän taqmasqa çaqıra. Oyışma citäkçeläre şulay uq üz eşlärenä cittän tıqşınunı ğäyepläwçe belderü dä imzaladı. Bu belderü töbäktä, bigräk tä Üzäk Aziädä AQŞnıñ tä'sire arta barunı tänqitläw bularaq qabul itelä.

XS
SM
MD
LG