Accessibility links

дүшәмбе, 5 декабрь 2016, Казан вакыты 13:29

“Azatlıq” yaña çara başladı: Meñyıllıq Qazan yuğalamı, yañaramı?


Qazan yañara, Qazan üzgärä, Qazan yäşärä häm.. Qazan yuğala.. Yaña uramnar, yaña yortlar, yaña moxit. "Qazan tarixi uramnarsız, ütkänsez, balaçaqtağı xatirälärem tabalmaslıq üzgärde", "Min Qazannı tanımıym" - Mondıy qarşılıqlı fikerlärne soñğı arada törle dairä keşeläre arasında yış işetergä turı kilä. Tatarstan başqalası meñ yıllığın qarşılar aldınnan, meñ yıl barışında kürmägän tözeleş bumı kiçerä. Üzäktä n genä dä qırıq meñgä yaqın ğailä yaña yortlarğa küçerelde. Elek truşçebalar, xäräbälär dip sügelgän yortlar urınına yañaça, zamança yortlar baş qalqıta.

Qazanda soñğı waqıtta ğına da tarixi qimmätkä iä bulğan binalarnıñ 14 yuqqa çıqtı. Bu xaqta Tatarstan prokurorı Käfil Ämirov xäbär itte. Bolar buyınça cinayät eşe quzğatılğan.

Qazan xakimiäte soñğı aralarda ğına tağın 300 artıq iske yortnı sütärgä qarar birde. Bu üzençälekle tarixi binalarnı yuğaltumı, yä bulmasa başqalanı yäşärtüme? Şul uñaydan, älege binalarğa qarata belgeçlär fikerläre, şahitlar söyläwe, bu turıda Azatlıqnıñ kiläse könnärdäge tapşırularında bulır. Läkin, monıñ öçen, xörmätle tıñlawçılar, sezneñ yärdäm kiräk. Azatlıqnıñ Qazan byurosı, tıñlawçılardan, bu könnärdä Qazanda nindi yortlar sütelä baruı turında mäğlümätlär kötä. Ä ul mäğlümätlärgä tayanıp, binalarnıñ tarixın, tarixi qimmäten belgeçlär bäyä biräçäk. Şulay itep, Meñyıllıq Qazan yuğalamı, yañaramı digän çara başlıybız. İñ aktiv qatnaşuçılarnı Azatlıq tarafınnan äzerlängän qimmätle büläklär kötä. Monıñ öçen sez, Qazanda bu könnärdä sütelep barğan yortlarnıñ urnaşqan urının, uramın, yort numirın Azatlıqnıñ Qazandağı telefonı aşa xäbär itärgä tieş. Telefon numirıbız 705 247, qabatlıybız, 705 247 –elektron adresıbız azatliq@azatliq.ru

Räfis Cämdixan

XS
SM
MD
LG