Accessibility links

шимбә, 10 декабрь 2016, Казан вакыты 15:49

2012 yılda Olimpia Uyınnarı Londonda ütäçäk


Xalıqara Olimpia Komitetı bügen Singapurda 5 namzät şähär arasınnan Londonnı 2012nçe yılda Olimpia uyınnarı ütäçäk urın dip sayladı.5 şähär dä yäşren tawış birüdä ciñep çığu öçen zur tırışlıq kürsätte

Atnalardan birle 2012nçe yılda Olimpia Uyınnarı Mäskäwdämı, Madrid, London, NY yäki Paristamı ütäçäk digän sorawlar quyıldı.Sonğı yarışnıñ London belän Paris arasında ütäçägen här kem belä ide dip äytü mömkin.Xalıqara Olimpia Komitetı prezidentı Jacques Rogge yäşren tawış birüdän soñ bolay dide

Roggue(audio)

Xalıqara Olimpia Komitetı 30nçe Olimpia uyınnarınıñ 2012nçe yılda London şährendä ütäçägen ixtiram belän iğlan itä

İşetkän tawışlar Singapore häm Londonda Trafargar mäydanında cıyılğan xalıqnıñ bäyräm söyünü tawışları ide. 2012nçe yılğı uyınnar Yevropa häm Tönyaq Amerika cämäğätçelegendä bik zur qızıqsınuı uyattı dip äytergä kiräk.Finalgä qalğan 5 namzätneñ här berse Olimpia Komitetınıñ saylawınnan elek ciñüçe sıyfatında üzlären kürsätte. Här 5 ildän tanılğan şäxeslärdän torğan wäkilçeleklär Singapurğa kilde. Misal öçen AQŞ wäkilçelegendä elekege firset lady, NY senatorı Hillary Clinton, tanılğan boksör Möxämmäd Ali kebek sportçılar bulsa, Prezident V.Putin Mäskäwneñ Xalıqara Olimpia Komitetı aldındağı presentatsiädä täsirnı arttıru öçen video belän möräcäğät itte . Putin inglizçä bolay dip äytte

Putin(audio)

Rusiä häm anıñ xalqı isemennän 2012nçe yılda Olimpia Uyınnarınıñ Mäskäwdä ütkärelüen tulısınça yaqlawımnı äytergä telim

Britaniä premyere Blair Xalıqara Olimpia Komitetı äğzalarınıñ Singaporedağı cıyınnarında 2 kön ütkärep İndustriäläre alğa kitkän illär häm Rusiä qatnaşaçaq summitnı açu öçen öyenä qayttı.Ul qarar açıqlanğançı uq London in yaxşı saylaw bulaçaq dip äytkän idi.Summit urını Glenaglesta ütkärgän mätbuğat oçraşuında ul (audio) Singaporede Olimpia dönyasındağı bik küp keşe miña 5 şundıy köçle namzätneñ bergä yarışqanın xätermibez dip äyttelär dide

Fransiä prezidentı J.Chirac ta Fransiäne wäkillek itü öçen Singaporega kilgän ide .Anıñ süzlärençä

Chirac(audio) 2012nçe yılda Olimpia uyınnarınıñ urını bulu öçen Paris häm Fransiä yöräge bergäläp tibä.

Xabärlärgä qarağanda J .Chiraq Singaporeden Britaniägä summitqa yul totqan. London - Paris mönäsäbätläre bu aralarda ällä ni cılıdan tügel Chiraq ofisı London şähren ciñü belän qotlap belderü yasadı. Xalıqara Olimpia Komitetı qaysı şähärneñ saylanaçağı turında aldan bir genä işarä dä cibärmäde. Kiresençä Komitet prezidentı Jacques Rogge köçle namzätlär arasınnan bersen saylaw qıyınlığına basım yasadı

Rogge (audio)

yuğarı sıyfatlı kandidatlar arasınnan 2012nçe yılğı uyınnar şähren saylaw ciñel bulmayaçaq.

Bilgele bulğança Xalıqara Olimpia Komitetı 2012nçe yılğı Olimpia Uyınnarı şähren yäşren tawış birüdä saylandı. Berençe turda in az tawış alğan Mäskäw töşep qaldı. İkençe turda NY öçençe turda Madrid yarıştan çigenergä mäcbür buldılar . Şulay itep yarış kötelgäneçä ike köçle namzät London belän Paris arasında bardı häm mäğlüm bulğança London saylandı. Bu Londonda ütkäreläçäk 3nçe Olimpia Uyınnarı bulaçaq elegeräk 1908 häm 1948nçe yılda London dönya sportçıların qunaq itkän ide. Olimpia uyınnarı, meñnnärçä sport söyüçene Olimpia şähärenä turist, cirle bizenes öçen klient, möştäri itep kenä kitermi . Ul şähärdä infrastruktura , transport häm başqa ölkälärdä yaxşılanu, täräqiätkä alıp bara färidä xämit
XS
SM
MD
LG