Accessibility links

шимбә, 10 декабрь 2016, Казан вакыты 00:19

Gleneaglesta Sigezlek citäkçeläreneñ ğäyre räsmi söyläşüläre ütä


Şotlandiä politsiäse protest belderüçelärgä Sigezlek illäre citäkçeläre oçraşqan urınğa yaqınraq kilüne röxsät itäçägen belderde. Elegräk iminlek öçen alarnıñ yaqın cibärelmäyäçäge äytelgän ide. Politsiä monı mitingnı oyıştıruçılar belän söyläşülärdän soñ iğlan itte. Mitingta 5 meñläp keşe qatnaşır dip kötelä. Sişämbe könne Şotlandiä üzägendäge Gleneagles şähärendä nıq saqlanğan Sigezlek oçraşuına yaqın urında protest belderüçelär belän politsiä arasında bäreleşlär buldı. Bügen biredä Dönyadağı iñ bay illärneñ citäkçeläre ğäyre räsmi söyläşülär ütkärä. Sammitnıñ räsmi öleşe pänceşämbe häm comğa könnärne ütäçäk. Sigezlek oçraşuı uñayınnan Gleneaglesta häm Şotlandiäneñ başqa urınnarında uramnarğa 10 meñnän artıq politsiä xezmätkäre çığarıldı. Sigezlekkä Britaniä, AQŞ, Fransiä, İtaliä, Germaniä, Canada, Yaponiä häm Rusiä kerä.

XS
SM
MD
LG