Accessibility links

сишәмбе, 6 декабрь 2016, Казан вакыты 22:58

İzrail' premyer ministrı Ariel Şaron İzrail' belän Könbatış Yarnı ayıraçaq diwar tözeleşen tizlätergä quştı


Diwar tözeleşe başlanuğa 2 yıldan artıq ütte. 680 çaqrım ozınlıqta bulaçaq diwarnıñ äle öçtän ber öleşe dä tözelmägän. Bügen İzrail'neñ däwlät iminlege şurası başlığı Giora Eiland Yerusalimğa bäyle xoquqıy mäs'älälärne çişü mömkin bulsa, berniçä ay eçendä diwar tözeleşe tämamlanaçaq häm Yerusalim yabılaçaq dide. Bu diwar Könatış Yarnıñ 8 protsent öleşen İzrail' yağına kisep ala häm fälestinnär İzrail'ne iminlek mäs'äläläre artına yäşerenep cirne tartıp aluda ğäyepli. Diwarnıñ Yerusalim yanındağı 60 çaqrım ozınlıqtağı öleşe Könbatış Yarğa ütep kerep anı üzara totaşmawçı öleşlärgä bülä. Ul şulay uq Könbatış Yardağı fälestinlelärne könçığış Yerusalimnan ayıra. Fälestinlelär isä şähärneñ bu öleşen kiläçäk fälestin däwläteneñ başqalası itärgä teli.

XS
SM
MD
LG