Accessibility links

пәнҗешәмбе, 8 декабрь 2016, Казан вакыты 21:17

Teploxodta başlanğan bäyräm utrawda däwam itäçäk


“Yaña Ğasır” televideniese “Cide yoldız” proyektı belän berlektä cäy könne teploxodta konsertlar oyıştırıp kilüe mäğlüm. Televideniedä barğan “Cide yoldız” proyektında qatnaşqan başqaruçılar - Liliä Xämitova, El'wira Xäyrullina, Räsim Nizamov, Ğayfulla Avzalov, İlsaf cırların tıñlawdan tış, alar belän räxätlänep aralaşu mömkinlege dä tua. Şuñadır älege konsertlar küp tamaşaçılarnı cıya. Respublikadan tış törle Rusiä töbäklärennän dä işetep kilüçelär şaqtıy ikän.

15 iyül könne uzaçaq Saban tuyı ayıruça yämle bulır dip kötelä. “Cide yoldız” cırçılarınnan tış “Tatarstan Yaña ğasır” radio-televidenieseneñ iñ populyar alıp baruçıları da bulaçaq.

“Mäskäw” teploxodında başlanaçaq bäyräm Saban tuyı belän bilgesez utrawda däwam itäçäk. Anda törle uyınnar, büläklär qaralğan. Bu xaqta “Cide yoldız” cäyge konsertların oyıştıruçı Älfiä Xäbibullina

Bäyrämdä “Yaña Ğasır” televideniese radio-televidenie tapşıruların alıp baruçılar, cırçılar da qatnaşaçaq. Räxätlänep cırlar tıñlap, uyınnarda qatnaşırğa mömkinlek tuaçaq.

Teploxodta urın 250 tiräse keşegä qaralğan. Bäyräm 11дән kiçke 18.00 qadär baraçaq. Biletlar zurlar öçen 350 sum bulsa, balalar öçen - 150 sum. Balalar öçen Saban tuyında ayırım mäydançıq qaralğan. Anı “Yäşlär tuqtalışı” belän “Tamçı” tapşıruları äzerli. Häm alar televideniedän kürsäteläçäk.

Saban tuyında möselman aşları da qaralğan. Şaşlıq, plau alırğa mömkinle bulaçaq.

Möselman aşları digännän, älege temağa “Yaña ğasır” televideniese xaqında tağın ber qızıqlı xäbär kilep ireşte. Televideniedä eşläwçe yawlıqlı möselman qızların efirğa çığaru mäs’äläse qalqıp çıqqan, di. Xäzerge waqıtta “Yaña ğasır” televidenieseneñ “Xäbärlär” tapşıruı häm “Äybät ğäybät” tok şounıda yawlıqlı qızlarnıñ efirğa çığuı küzätelä başladı. Bilgele maxsus dini tapşırular da bu ğädäti xäl. Ä dönyawi tapşırularnı Şariğat qanunı buyınça kiengän qızlar alıp baru döresme dip uylana televidenie citäkçeläre.

Landış Xarrasova.

XS
SM
MD
LG