İnternetta äl-Qaidäneñ Ğiraqtağı citäkçese dip sanalğan Äbü Musab äz-Zärqäwi Mısır diplomatı İhab äş-Şärifne üterelüen iğlan itte digän xäbär çıqtı. Älege törkem uzğan atna axırında äş-Şärifneñ Bağdadta totıq itep alınuı öçen cawaplılıqnı üz östenä alğan ide.
Bügen Mısır televideniese diplomatnıñ ğailä äğzalarınıñ anıñ üterelüen raslawçı süzlären tapşırdı. Ğäräp telle äl-Arabia televideniese dä diplomatnıñ üterelüen xäbär itte.
Sönni möselman dönyasında zur ähämiätkä iä bulğan Äl-Äzhär oyışması citäkçese Şäyx Möxämmät Säyet Tantawi Mısır diplomatın totıq itep alğan törkemgä möräcäğät itep anı kiçekmästän azat itärgä çaqırğan ide.
Ul İslam häm keşelek isemennän möräcäğät itep Alla üz qärdäşlären räncetüçe häm alarğa höcüm itüçe keşelärne cäzalıyaçaq dide.
Bügen Ğiraqnıñ Mosul şähärendä minaatqıç höcüme cirle xakimiät binası yanındağı kibetlärdä 3 keşene üterde.
