Londonda atnakiç irtän bulğan şartlawlar "sigezlek"neñ yıllıq oçraşuına turıdan-turı yoğıntı yasadı. Bu xuca Tony Blairneñ töştän soñ aşığıç töstä Londonğa qaytıp kitüendä genä tügel, oçraşuda qatnaşuçı başqa yuğarı citäkçelärneñ terror ğämällären bersüzsez xökem itü öçen bergäläşep matbuğat wäkilläre qarşına çığuında da çağıldı. Anda "sigezlek" illäreneke belän bergä oçraşunıñ kiñäytelgän öleşendä qatnaşu öçen kilgän Qıtay, Hindstan, Meksiko, Könyaq Afrika häm Braziliä citäkçeläre, Yewropa komissiäse räise dä bar ide. Alar isemennän dä çığış yasağan Tony Blair, Londondağı terror ğämälläreneñ näq menä "sigezlek" oçraşuı açıluına turı kiterep yasaluına işarä itte:
Audio, Tony Blair
"Bolarnıñ barısınıñ da terror höcüme ikäne açıqtan-açıq bulğan kebek, alarnıñ "sigezlek" oçraşuına turı kiterep eşlänüe dä açıqtan-açıq" di Britaniä premyer-ministrı. Blair, bu höcümnär "ayıruça wäxşi", çönki alar dönya illäre Afrikadağı fäqirlekne, dönyaküläm ekologiäne tikşergän könne yasaldı dip belderä. Yaqınça näq şuña uq Quşma Ştatlar prezidentı George Bush ta işarä itä:
Audio, George Bush
"Menä sez ber yaqtan, "sigezlek" oçraşuında fäqirlekne beterergä, dönyanı AİDS kebek zäxmättän qotqarırğa telägän keşelärne küräsez, alar çista moxit buldıru eşen alıp bara. Ä ikençe yaqtan, sez berğäyepsez xalıqnı üterüçe adämnärne küräsez - bu xätle dä zur ayırma inde bula almıy" di amerikan prezidentı. Londondağı şartlawlarğa qädär "sigezlek"neñ kön tärtibendä töp mäs''älä bulıp çınnan da, dönya illäreneñ klimat üzgärüenä qarşı aşığıç çaralar kürüe mäs''äläse tora ide. Bu ölkädä Kyoto berketmäsen imzalawdan qatği töstä baş tartqan Washington şuşı fikerennän barıber waz kiçmiäçägen beldersä dä, Gleneagles oçraşuında başqa illär belän urtaq ber qaraşqa kilü yulların ezläwgä äzer buluın äytkän ide. Prezident Bush:
Audio, George Bush
"Xäzer inde Kyoto belän genä çiklänmi alğa barırğa häm dönyaküläm cılınu ölkäsendä Quşma Ştatlar öçen genä tügel, ä bar aldınğı däwlätlär, şul isäptän Britaniäne dä üz eçenä alğan yaña ber strategiä buldırırğa waqıt citte" di Quşma Ştatlar prezidentı. Aldan äzerlängän planda comğa könne "sigezlek"neñ Afrika illärenä yardäm itü yulların, burıçlarnı kiçerü mäs''äläsen tikşerü tora ide. Şul utırışqa qatnaşu öçen Gleneaglesğa Nigeriä, Gana, Xäbäşstan, Tanzaniä, Cäzair, Senegal citäkçeläre çaqırıldı. Anda Afrika Berlege, Dönya Bankı, Xalıqara Valuta Fondı başlıqları da qatnaşırğa tieş ide. Londondağı waqiğälär moña üzgäreş kerterme, kertsä nindirägen - monısı inde "Azatlıq"nıñ aldağı tapşırularında.
Kärim Kamal
Audio, Tony Blair
"Bolarnıñ barısınıñ da terror höcüme ikäne açıqtan-açıq bulğan kebek, alarnıñ "sigezlek" oçraşuına turı kiterep eşlänüe dä açıqtan-açıq" di Britaniä premyer-ministrı. Blair, bu höcümnär "ayıruça wäxşi", çönki alar dönya illäre Afrikadağı fäqirlekne, dönyaküläm ekologiäne tikşergän könne yasaldı dip belderä. Yaqınça näq şuña uq Quşma Ştatlar prezidentı George Bush ta işarä itä:
Audio, George Bush
"Menä sez ber yaqtan, "sigezlek" oçraşuında fäqirlekne beterergä, dönyanı AİDS kebek zäxmättän qotqarırğa telägän keşelärne küräsez, alar çista moxit buldıru eşen alıp bara. Ä ikençe yaqtan, sez berğäyepsez xalıqnı üterüçe adämnärne küräsez - bu xätle dä zur ayırma inde bula almıy" di amerikan prezidentı. Londondağı şartlawlarğa qädär "sigezlek"neñ kön tärtibendä töp mäs''älä bulıp çınnan da, dönya illäreneñ klimat üzgärüenä qarşı aşığıç çaralar kürüe mäs''äläse tora ide. Bu ölkädä Kyoto berketmäsen imzalawdan qatği töstä baş tartqan Washington şuşı fikerennän barıber waz kiçmiäçägen beldersä dä, Gleneagles oçraşuında başqa illär belän urtaq ber qaraşqa kilü yulların ezläwgä äzer buluın äytkän ide. Prezident Bush:
Audio, George Bush
"Xäzer inde Kyoto belän genä çiklänmi alğa barırğa häm dönyaküläm cılınu ölkäsendä Quşma Ştatlar öçen genä tügel, ä bar aldınğı däwlätlär, şul isäptän Britaniäne dä üz eçenä alğan yaña ber strategiä buldırırğa waqıt citte" di Quşma Ştatlar prezidentı. Aldan äzerlängän planda comğa könne "sigezlek"neñ Afrika illärenä yardäm itü yulların, burıçlarnı kiçerü mäs''äläsen tikşerü tora ide. Şul utırışqa qatnaşu öçen Gleneaglesğa Nigeriä, Gana, Xäbäşstan, Tanzaniä, Cäzair, Senegal citäkçeläre çaqırıldı. Anda Afrika Berlege, Dönya Bankı, Xalıqara Valuta Fondı başlıqları da qatnaşırğa tieş ide. Londondağı waqiğälär moña üzgäreş kerterme, kertsä nindirägen - monısı inde "Azatlıq"nıñ aldağı tapşırularında.
Kärim Kamal