Accessibility links

җомга, 9 декабрь 2016, Казан вакыты 10:40

Samarnıñ "Tuğan tel” ölkä tatar cämğiätene şurası uzğan Sabantuyğa yomğaq yasadı


Barlıq äğzalar fikerençä, bıyılğı Sabantuy ğömerdä bulmağan yuğarı däräcädä uzdı häm, belgeçlär fikerençä, bıltırğı Sabantuy belän çağıştırğanda xalıq ike märtäbä kübräk buldı. Bu uñışnıñ qalın başı sarmanlılarğa töşä. Şul uñay belän “ Tuğan tel” Şurası Tatarstan İlbaşı Şärip uğlı Mintimer Şäymievkä räxmät xatı yulladı.

“ Xörmätle Prezidentıbız!

Bıyıl Samarda tatar milli xäräkäte yulbaşçıları 17 märtäbä ölkä Sabantuyın uzdırdılar. Soñğı dürt yılda Samara ölkä Sabantuyınıñ däräcäse tağın da kütärelä töşte, çönki bezgä Tatarstannan zur- zur konsert programmaları belän Tatarstan rayonnarı qatnaşa başladılar. Bezneñ xalıq Nurlat,Zäy rayon üzeşçännärenä soqlanğan ide. Bu ike rayon üzeşçännärenä hiç tä tel- teş tidererlek bulmadı.

Bıyıl Samarağa Sarman rayonı citäkçeläre Tatarstan isemennän Sabantuyıbıznı kütäreştelär. Sarmanlılar bezgä Tatarstan Sabantuyınıñ ber modelen alıp kilep, xalıqqa sänğati moğciza kürsätep kittelär. İrtänge säğät 11 kiçke säğät 7 qädär ike mäydanda cırlap ta, biep tä, uynap ta kürsättelär inde!!! Şunısı iğtibarğa layıq, sarmanlılar üzläre belän kiosklar töyap kilep rizıq- mazar satıp mataşmadılar, Tatarstan sırasın häm araqısın da propagandalamadılar. Sarmanlılar ruxi Watanıbız Tatarstannan çın mäğnäsendä ruxi, milli azıq alıp kilgännär ide.

Sarman rayon türäse Näfis Zakirovqa ayıruça oluğ räxmätebez. Ul üze Sabantuynıñ başınnan alıp axırına qädär artistları, köräşçeläre belän xalıq arasında buldı. Şähär häm töbäk citäkçeläre qarşında Tatarstan turında ğorurlanıp söyläde häm bezneñ 17 Sabantuyınıñ “ Qazanıbızğa- 1000 yıl” isemle şiğerenä tirän fälsäfi eçtälek östäp 50 meñ xalıq aldında tatarnıñ däräcäsen kütärde, Samar tatarların ğomum tatar säyäsätenä tağın da yaqınayttı. Xalıq Sabantuydan zur ğorurlıq belän qaytıp kitte.

Xörmätle Prezidentıbız!

Üz çiratında Sezlärgä oluğ räxmätebezne belderäbez. Kiläçäktä dä törle töbäklärdä yäşäp yatqan tatarlarğa Qazan ruxın iñderüdä köçegezne sarıf itüdä armıy- talmıy ğına eşläsägez ide. 2006 yılğı Samar ölkä Sabantuyına Sarman rayonı kollektivın yunäldersägez, bez tağın da Sezlärgä räxmätle bulır idek. Üzegezgä sixätlek teläp, kiläçäktä dä Watanıbız Rusiädä Sez şulay uq iñ ziräk yulbaşçı bulıp qaluığıznı teläp doğa qılabız. Bez Sezneñ belän ğorurlanıp yäşibez!”- milli xäräkät citäkçeläre yazğan xatta.

Şamil Bahautdin, “Azatlıq” radiosı, Samar.

XS
SM
MD
LG