Accessibility links

җомга, 9 декабрь 2016, Казан вакыты 12:44

Britaniä möselmannarı Londondağı şartlawlarnı xökem itä ämma üç alınır dip qurqa


Britaniä möselmannarı atnakiçtäge terror höcümen xökem itep, terrorçılarğa çın möselman dip qarap bulmıy çönki alar keşe tormışna iqtibar itmi dip belderä. Alarnıñ ber öleşe höcüm oyıştıruçılarnıñ ''möselman terrorçılar'' buluı säbäple üzläreneñ möselman bulmağan ekstermistlarnıñ yañau , üç alularına duçar bulaçaqlarınnan qurqsa ikençeläre Britaniä xalqı terroristlar belän yaxşı möselmannar arasındağı ayırmanı añlağan dip uylıy

Londonnıñ könyağında Axmediä maxalläseneñ citäkçese häm Britaniädäge Axmediä Mösälmannarı Berläşmäseneñ vitse prezidentı Mansur Şax radiobızğa bolay dip äytte

Şax(audio)

Möselman Dönyasında terrorçılarğa urın yuq. Alar möselman tügel.Britaniäneñ Möselmannar Şurası mondıy ğämällärne xökem itergä häm alarnı dinnän quıp çığarırğa tieş.Alar kem genä bulmasın andıy keşelärneñ möselman dönyasında urını yuq.

Britaniädäge möselman oyışmaları Şaxnıqına oşaş belderülär yasadı. Britaniäneñ Möselmannar Şurasınıñ general sekretarı Sir İqbal Sakraniä belderüendä: Bu şartlawlarnı planlaştıruçı häm oyıştıruçalar ilneñ küñlen töşerergä xalıqnı bülgälärgä teläwçe zalimnär. Cinayätçelärne ezlägän politsiägä hämmäbez bulışlıq kürästergä tieş.Qorbannarnıñ törle dingä ınanuçılar häm törle millät keşeläre buluın onıtmasqa tieşbezdip ätelgän belderüdä .Möselmannarnıñ ber öleşe atnakiçtäge insidentlarğa açu beldersä ikençeläre terrorçılar islamçı radikallär bulsa maxalläbezgä tiskäre täsire bulaçaq dip qurqa al Qaidanıñ Yevropadağı Cihadı isemle yäşren törkem atnakiçtäge bombalau öçen cawaplılıqnı üz östenä alsa da , Britaniä xökümäte älegä bu turıda fiker beyan itü öçen waqıt irtä dip belderde.Londonnnıñ könyağında Axmediä maxalläse citäkçese Mansur Şax süzlärençä

Şax(audio)

Britan cämğiätendä qayberäwlär açu belderäçäk. Bu añlaşıla,çönki alar bu eşne möselmannar eşläde dip qarıyaçaq. Ämma minemçä Britaniä xalqınıñ zur öleşe bik tolerant häm alar närsä ikänen añlap terror çaraların qullanmayaçaq

30yäşlek advokat İmram Adin Mansur Şax kebek uylasa da, bik küp möselman duslarım xäzerdän ük üz iminlekläre öçen nıq borçıla digän. Ul xabärlärdä äytelgäneçä terrorçılar möselman ekstremistları bulsa , reaksiä bula ala di ämma alar Britaniädä yäşäwçe möselmannnarnıñ küpçelege tınıç, ekstemist tügel dip uylarlar digän ömettä. Britaniädä ütä uñ Milli Partiä şunduq imigratsiä säyäsäten qırıslaştırırğa çaqırdı.Adin kiçäge bombalauda häläk buluçılar arasında möselmannar da bardır dip uylıy .Çönki alar da metro aftobuslarda yöri, London üzägendä yäşi eşli. Adin terrorçılar möselman bulmağan xalıqtan näfrät itkän kebek tınıç möselmannardan da näfrät itä dip äytä

Adin(audio)

Andıy eşlär eşläwçelär terrorçılar , alar terrornı keşe yörägenä urnaştırırğa teli. Alar terror belän şägellängän öçen borçılmıy. Alarnıñ din ,inanu belän bäyläneşe yuq, tik politik motivlar belän ğämällär qıla .Bu alarnıñ säyäsi qaraşı häm närsägä ireşergä teläwe belän bäylängän.Mäqsatları närsä genä bulmasın , mäğnäsez köç qullanalar

Britaniä Möselman Şurası atnakiçtäge bomabalaudan soñ näfrät açu beldergän 30meñnnän artıq e-mail kilüen beldersä, Möselman keşe xoquqları komissiäse London möselmannarın üç aluğa duçar bulmas öçen öydän çıqmasqa öndi.London politsiä başlığı İan Blair xakimiätlär möselman häm başqa din citäkçeläre belän bäyläneştä tora, törle ğıybadätxanälär saqlana dip belderde. Premyer Blair terrorçılarnı islam isemennän ğömällär qıluda xökem itep , Britaniä häm başqa urınnarda yäşäwçe möselmannarnıñ zur öleşe terrorizmdan näfrät itkän yaxşı keşelär dip äytte.Atnakiçtä bombalanğan metro stansiäsenä yaqın Edgware Road küp kenä livanlı, ğıraqlı , mısırlılar yäşägän alarnıñ kibet restorannarı urnaşqan urın färidä xämit
XS
SM
MD
LG